پرەمەر-مينيستر باقىتجان ساعىنتايەۆ ق ر ۇكىمەتىنىڭ قاۋلىسىنا قول قويدى، دەپ جازادى Qamshy.kz اقپارات اگەنتتىگى.
قاۋلىعا سايكەس، 2018 جىلى قازاقستاندا اراق ونىمدەرىنىڭ باعاسى قىمباتتايدى.
«ق ر ۇكىمەتى قاۋلى ەتەدى: 2018 جىلى اراق پەن كۇشتى ليكەر-اراق ونىمدەرىنىڭ ءليترى ءۇشىن بولشەك ساۋداداعى باعاسى 1900 تەڭگەدەن تومەن بولماۋى كەرەك»، - دەلىنگەن رەسمي باق-تا.
قۇجات رەسمي جاريالانعان كۇننەن باستاپ 10 كۇنتىزبەلىك كۇننەن سوڭ كۇشىنە ەنەدى.
2017 جىلى قازاقستاندا اراق پەن كۇشتى ليكەر-اراقتىڭ ءليترىنىڭ باعاسى 1700 تەڭگە بولعان.
ۇلتتىق ەكونوميكا ءمينيسترى اراق ونىمدەرىنىڭ قىمباتتاۋى ونى تۇتىنۋشىلاردىڭ سانىن ازايتاتىنىنا سەنىمدى.
