19 ناۋرىزدا ورالداعى «ۋرالسكايا نەدەليا» گازەتىنىڭ رەداكسياسىنا پوليسيا كەلىپ، باسىلىم قىزمەتكەرى اقمارال شاياحمەتوۆانى الىپ كەتكەن، دەپ جازادى Qamshy.kz اقپارات اگەنتتىگى ازاتتىققا سىلتەمە جاساي وتىرىپ. 

ءجۋرناليستىڭ ازاتتىققا ايتۋىنشا، پوليسيا ونى باتىس قازاقستان وبلىستىق ىشكى ىستەر دەپارتامەنتىندە اپارىپ، «قازاقستاننىڭ دەموكراتيالىق تاڭداۋى» قوزعالىسىن الەۋمەتتىك جەلىدە ناسيحاتتاپ، قولداعانى ءۇشىن ەسكەرتۋ بەرىپ، بوساتقان.

شاياحمەتوۆا بىرنەشە كۇن بۇرىن «جەرگىلىكتى ۆيدەوبلوگەر اسقار شايعۇماروۆتى قدت قوزعالىسىن قولدادى دەگەن جەلەۋمەن پوليسياعا شاقىرۋىنا قارسىلىق» رەتىندە جازبا جاريالاعان ايتادى.

شايعۇماروۆ 16 ناۋرىزدا ۆيدەو جاريالاپ، قازاقستان باس پروكۋراتۋراسىنىڭ قدت قوزعالىسىن ەكسترەميستىك ۇيىم دەپ تانۋىن سىناعان. وسى ۆيدەودان كەيىن ونى پوليسيا شاقىرىپ، ەسكەرتۋ جاساعان.

16 ناۋرىزدا قازاقستاننىڭ تۇكپىر-تۇكپىرىندە بىرنەشە ادام جەرگىلىكتى پروكۋراتۋرا تاراپىنان قۋعىنداعى وليگارح مۇحتار ءابليازوۆ قۇرعان ۇيىمدى قولداماۋ تۋرالى ەسكەرتۋ قاعازىن العان.