اتالمىش فيلم تالدىقورعان قالاسىندا ءتۇسىرىلىپ، ەكى جاستىڭ اراسىنداعى ماحاببات حيكاياسىن باياندايدى. تۋىندىنىڭ ماقساتى وسى ۇلى سەزىم ارقىلى قالانىڭ ادەمى ساۋلەت قۇرىلىسىن كورسەتە وتىرىپ، قازىرگى تاڭدا قوعامداعى ماڭىزدى ماسەلەلەردىڭ ءبىرىن قوزعاۋ. بۇل تۋرالى وڭىرلىك كوممۋنيكاسيالار قىزمەتى الاڭىندا بەلگىلى بولدى.

«2016 جىلى تۇسىرىلگەن فيلم شورا مەن ءلايلا اراسىنداعى عاشىقتىق سەزىمىن باستى نىسانعا العان. اتالمىش تۋىندىعا مەملەكەت تاراپىنان ەشقانداي قاراجات كەتپەدى. وعان «جەتىسۋ» تەلەارناسى مەن الماتى وبلىسىنىڭ ىشكى ساياسات باسقارماسى قولداۋ كورسەتتى. اكتەرلىك قۇرامعا كەلەتىن بولساق، مەديا سالاسىنداعى قىزمەتكەرلەر مەن قالا تۇرعىندارى، سونداي-اق، ب.ريموۆا اتىنداعى دراما تەاترىنىڭ بىرنەشە ونەر مايتالماندارى كينوعا ءتۇستى»، – دەيدى ءفيلمىنىڭ رەجيسسەرى ۋشاكپايەۆ ەرلان.

سونىمەن قاتار، باستى ءرولدى سومداعان ساتقۇلوۆ باحتيار دا ءتۇسىرىلىم كەزىندەگى دايىندىعى جايلى ايتىپ ءوتتى.

بيۋدجەت قارجىسىنا سالماق سالىنباي تۇسىرىلگەن تۋىندى قالانىڭ جاڭا كەلبەتىن، تىنىس-تىرشىلىگىن، جاستار ءومىرىن كورسەتۋگە باعىتتالدى. باستى رولدەردى بيكەن ريموۆا اتىنداعى وبلىستىق دراما تەاترىنىڭ اكتەرلارى مەن ارىپتەسىمىز، جاڭالىقتار جۇرگىزۋشىسى ايزادا جاقسىبەك سومدادى. فيلم اۆتورلارى جۋرناليست بويجەتكەننىڭ ءومىرى ارقىلى وبلىس ورتالىعىنىڭ بار كوركىن، ونداعى ماحاببات پەن ساتقىندىقتى، دوستىق پەن ءازىلدى كورەرمەنگە جەتكىزۋگە تىرىستى. جاس رەجيسسەرلەر ەرلان ۇشاقپايەۆ پەن دانيار مۇستافايەۆتىڭ تىرناقالدى تۋىندىسى بارلىق بۋىن كوڭىلىنەن شىعادى دەگەن سەنىمدە. 

ەرلان ۇشاقپايەۆ، رەجيسسەر:

- 2017 جىلى كوپتەگەن عيماراتتاردىڭ قۇرىلىستارى اياقتالدى. فيلمگە وسى عيماراتتاردى تولىقتاي ءتۇسىرىپ الىپ، نەعۇرلىم ادەمىلەپ كورسەتۋ ماقسات بولدى. وسى كۇنگە دەيىن سوزىلعانى دا سول. باستى ماقسات - قالامىزدى كورسەتۋ. ءقازىر تالدىقورعان كوركەيىپ، وركەندەپ كەلە جاتقان جاس قالالاردىڭ ءبىرى، - دەپ اتاپ ءوتتى.

كينوعا كاسىبي اكتەرلار تۇسىرىلمەگەندىكتەن جانە ءوزىم دە ونەر سالاسىنا جاقىن بولماعاندىقتان، بەرىلگەن ءرولدى سومداۋ جەڭىل بولمادى. وعان دايىندالۋ ءۇشىن دە ءبىر ايعا جۋىق ۋاقىت كەتتى. الايدا، جۇمىس بارىسى وتە قىزىقتى بولدى. ءوزىمدى جاڭا قىرىنان تانىدىم دەسە دە بولادى، – دەدى ول.

كومەديالىق دراما جانردا جارىققا شىققان تۋىندا باستان اياق تالدىقورعان قالاسىندا تۇسىرىلگەن. جىگىت پەن قىز اراسىنداعى ماحاببات حيكاياسى دا وسى شاھاردا ءوربيدى. تۋىندىنىڭ «تاقيالى پەرىشتەمەن» ۇقساستىعى بار. وندا ءامينا ءومىرزاقوۆا وزىنە كەلىن ىزدەسە، بۇل درامادا كەندەباي تەمىرباي ۇلى كۇيەۋبالا قاراستىرعان اكەنىڭ وبرازىندا. ال، وڭ بوساعادا وتىرىپ قالعان ءفيلمنىڭ باستى كەيىپكەرى ءلايلا جىگىتتىڭ تورەسىن ىزدەيدى. ءسوز ايتىپ، كوڭىل بىلدىرگەن جىگىت شورانى ءتۇرلى سىناقتىڭ استىنا الادى.

فيلم جەلىسى بۇگىنگى تاڭداعى وزەكتى مالەلەنى العا تارتادى، ياعني، قىزداردىڭ ۋاقتىلى وتباسىن قۇرماۋى. باستى رولدەگى ءلايلا ەسىمدى قىزدىڭ تاعدىر تارتىسى، ونىڭ ەرلەر قاۋىمىنا وكپەلەۋى، كۇماندى بولۋى بەينەلەنگەن. وسى جولدا الدىنان سەنىمدى سەرىگىن كەزدەستىرىپ، ونى ءتۇرلى جولدارمەن سىناۋ دا بار.

تۋىندىنىڭ العاشقى كورسەتىلىمى ناۋرىزدىڭ 19-شى جۇلدىزىندا ءى.جانسۇگىروۆ اتىنداعى مادەنيەت ۇيىندە، ساعات 19:00-دە وتەدى.

ەكى ساعاتقا سوزىلاتىن تۋىندى  بەلگىلى ءبىر شىعارما جەلىسى بويىنشا تۇسىرىلمەگەن. بارلىق كەيىپكەرلەر ويدان قۇرالعان. شىعارماشىلىق توپتىڭ باستى ماقساتى - كوركەيىپ، وسىپ-وركەندەپ كەلە جاتقان تالدىقورعان قالاسىنىڭ كورىكتى جەرلەرىمەن، ءارى ايماق ايناسىنا اينالعان تەلەارنانىڭ تىنىس-تىرشىلىگىمەن تانىستىرۋ. كينوكارتينا كەزىندە كورەرمەن كوزايىمى بولعان «تاقيالى پەرىشتە» فيلمىمەن ۇندەس دەۋگە دە بولادى. وندا استارلى وي، تۇشىمدى پىكىرلەر كوپ. قويۋشى رەجيسسەر ەرلان وشاقبايەۆتىڭ ايتۋىنشا، تۋىندىعا بيۋدجەت قارجىسى بولىنبەگەن.

ايتا كەتەيىك، كينونى تۇسىرۋدەگى باستى ماقسات – تالدىقورعاننىڭ كورىكتى جەرلەرىن ەل نازارىنا ۇسىنىپ، جەتىسۋدىڭ كوركەم تابيعاتىن كورسەتۋ. جۋرناليستەر ءۇيى مەن ونداعى تىلشىلەردىڭ قاربالاس ءومىرى سۋرەتتەلگەن فيلم 2016 جىلى تاسپاعا تۇسكەن. ءفيلمنىڭ پروديۋسەرى بەيسەن قۇرانبەك، رەجيسسەرلەرى ەرلان ۋشاكپايەۆ پەن دانيار مۋستافايەۆ. ال، باستى رولدەردە ايزادا جاقسىبەك پەن باقتيار ساتقۇلوۆ.

ءتۇسىرىلىم ءبىر اي شاماسىنا سوزىلعان.