بۇگىن وبلىس اكىمى اماندىق باتالوۆ جۋرناليستەر ۇيىندە بولىپ، «جەتىسۋ» تەلەارناسىنىڭ ۇجىمىن «تۇمار» تەليەۆيزيالىق بايقاۋىنىڭ «ۇزدىك وڭىرلىك تەلەارنا» اتالىمىنىڭ جەڭىمپازى اتانۋىمەن قۇتتىقتادى، دەپ جازادى Qamshy.kz اقپارات اگەنتتىگى الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

ۇجىمنىڭ قۋانىشىنا ورتاقتاسۋ ءۇشىن جۋرناليستەر ۇيىنە ءوڭىر باسشىسى اماندىق باتالوۆ ارنايى كەلدى.

وبلىس اكىمى ءوز سوزىندە تەلەارنا تىلشىلەرىن مەرەيلى جەڭىسىمەن قۇتتىقتاپ، شىعارماشىلىق تابىس تىلەدى. — تەلەارنامىزدىڭ جەڭىمپاز اتانۋى — جەتىسۋ جۇرتشىلىعى ءۇشىن ۇلكەن قۋانىش. ياعني، بۇل — ۇجىمدا ناعىز ءوز ءىسىنىڭ شەبەرلەرى ەڭبەك ەتىپ جاتقاندىعىن بىلدىرەدى. ءبىز جىل سايىن تەلەارنانىڭ ماتەريالدىق-تەحنيكالىق جاعىنان جوعارى دەڭگەيدە جابدىقتالۋىنا بارىنشا جاعداي جاساپ كەلەمىز. ماسەلەن، بيىلعى جىلى 413 ملن. تەڭگە قاراستىرىلىپ وتىر. بۇدان كەيىن دە ءبىزدىڭ تاراپتان وسىنداي قولداۋ شارالارى جالعاساتىن بولادى. ءاردايىم تەك بيىكتەن كورىنە بەرىڭىزدەر. جەڭىستەرىڭىز قۇتتى بولسىن! – دەدى ا.باتالوۆ.

مۇنان سوڭ ءسوز العان «اپتا» باعدارلاماسىنىڭ جۇرگىزۋشى ءجۋرناليسى گۇلجانات ماقۇلجانوۆا، وبلىستىق «جەتىسۋ» گازەتىنىڭ باس رەداكتورى امىرە ءارىن، «ولكە تىنىسى» ج ش س باس ديرەكتورى مەيرام ءجانادىلوۆ، تەلەارنا باس ديرەكتورىنىڭ ورىنباسارى سەرىك سارىبايەۆ ءسوز الىپ، ارىپتەستەرىن جەتىستىكتەرىمەن قۇتتىقتادى.

ال، «جەتىسۋ» تەلەارناسىنىڭ ديرەكتورى بەيسەن قۇرانبەك ارنايى ۋاقىت ءبولىپ، قۇتتىقتاپ كەلىپ وتىرعان ءوڭىر باسشىسىنا ۇجىم اتىنان ريزاشىلىعىن جەتكىزدى. ايتۋىنشا، بايقاۋعا 14 اتالىم بويىنشا 400-دەن استام ۇمىتكەر قاتىسقان. سونىڭ ىشىندەگى ەڭ ۇزدىك وڭىرلىك تەلەارنا اتالىمىن ۇتىپ وتىر. «ءاردايىم كورسەتكەن قولداۋلارىڭىزدىڭ ارقاسىندا وسىنداي جەتىستىككە جەتىپ وتىرمىز. كوپ راحمەت! بۇدان كەيىن دە «جەتىسۋدىڭ» دايىندايتىن حابارلارى ساپالى بولادى»، — دەدى ب.قۇرانبەك.

سونىمەن قاتار جۋرناليستەر تاراپىنان ءبىرقاتار ۇسىنىستار ايتىلىپ، وبلىس باسشىلىعى تاراپىنان قولداۋ تاپتى. اتاپ ايتقاندا، استانانىڭ 20 جىلدىعى قارساڭىندا «جەتىسۋ» تەلەارناسىنىڭ استانا قالاسىندا تىلشىلەر قوسىنىن اشۋ ماسەلەسى قاراستىرىلاتىن بولدى.

ايتا كەتەيىك، بەلگىلى جۋرناليست جەتەكشىلىك ەتەتىن «قاراكەت» باعدارلاماسى دا ۇزدىك الەۋمەتتىك جوبا اتانعان. وسىلايشا وتاندىق باق-عى ماڭدايالدى تۇلعالاردىڭ ءبىرى قوس تۇماردى قولتىقتاپ قايتتى. وبلىس اكىمى بەيسەن ابايۇلىن بۇل جەڭىسىمەن دە قۇتتىقتاپ، شىعارماشىلىعىنا تابىس تىلەدى.

كەزدەسۋ بارىسىندا وبلىس اكىمىنىڭ ورىنباسارى ج. ومار، تەلەارنانىڭ باس ديرەكتورى ب. قۇرانبەك ءسوز الىپ، وبلىس اكىمىنىڭ تەلەارناعا ارنايى كەلىپ، ۇجىمدى قۇتتىقتاۋى جۋرناليستەردىڭ جۇمىسىنا دەگەن قۇرمەتىن كورسەتەتىنىن اتاپ ءوتىپ، الداعى ۋاقىتتا دا ۇزدىكتەر قاتارىندا ناتيجەلى جۇمىس جۇرگىزەتىندەرىنە سەندىردى.

ارتىنشا وبلىستىڭ الەۋمەتتىك-ەكونوميكالىق دامۋىن ناسيحاتتاپ، اقپارات تاراتقان جانە قازاق تەليەۆيزياسىنىڭ دامۋىنا زور ۇلەس قوسقان بىرنەشە تىلشىلەر وبلىس اكىمىنىڭ العىس حاتىمەن ماراپاتتالدى. سونداي-اق، «اپتا» باعدارلاماسىنىڭ جۇرگىزۋشىسى، جۋرناليست گۇلجانات ماقۇلجانوۆا، وبلىستىق «جەتىسۋ» گازەتىنىڭ باس رەداكتورى امىرە ءارىن، «ولكە تىنىسى» ج ش س باس ديرەكتورى مەيرام ءجانادىلوۆ، تەلەارنا باس ديرەكتورىنىڭ ورىنباسارى سەرىك سارىباي ءسوز الىپ، ارىپتەستەرىن جەتىستىكتەرىمەن قۇتتىقتادى.

وسى كەزدەسۋدە تەلەارنانىڭ ءبىرقاتار قىزمەتكەرلەرىنە وبلىس اكىمىنىڭ العىس حاتى تابىستالدى. 

جيىن سوڭىندا جۋرناليستەردىڭ ءبىرقاتار ۇسىنىستارى تىڭدالدى. ءوڭىر باسشىسى بارلىق تىلەكتەر ەسكەرىلىپ، قولداۋ تابىلاتىندىعىن ايتتى. ياعني، استانانىڭ 20 جىلدىعى قارساڭىندا «جەتىسۋ» تەلەارناسىنىڭ استانا قالاسىندا تىلشىلەر قوسىنىن اشۋ ماسەلەسى قاراستىرىلماق.