«بايقوڭىر» عارىش ايلاعىندا 2023 جىلى رەسەيدىڭ «روسكوسموس» مەن قورعانىس مينيسترلىگىنىڭ مۇددەسى ءۇشىن ىسكە قوسىلاتىن «پروتون» زىمىران-تاسىعىشىن ۇشىرۋعا ارنالعان كەشەن جابىلادى. بۇل تۋرالى ريا نوۆوستي حابارلادى.
«رەسەي فەدەراسياسى مەن قازاقستان رەسپۋبليكاسى اراسىنداعى حالىقارالىق كەلىسىمگە سايكەس «پروتون» عارىش زىمىران كەشەنىنىڭ جۇمىسىن توقتاتۋ جوسپارلانىپ وتىر. وسىعان بايلانىستى 2023 جىلعا قاراي 81 ۋچاسكەسىنىڭ №24 ۇشىرۋ الاڭىن ىسكە قوسۋ جوسپارلانۋدا»، - دەپ اتاپ ءوتتى بارلىق رەسەيلىك كوسمودرومداردىڭ جۇمىسىنا جاۋاپتى عارىشتىق ينفراقۇرىلىم وبەكتىلەرىن پايدالانۋ ورتالىعى.
بايقوڭىر عارىش ايلاعىندا «پروتون» زىمىرانىنىڭ جۇمىسىن تولىعىمەن توقتاتۋ 2025 جىلعا جوسپارلانعان.
