بۇگىن الماتى وبلىسىنىڭ اكىمى اماندىق باتالوۆ «جەتىسۋ» كفك فۋتبولشىلارىمەن، جاتتىقتىرۋشىلارىمەن كەزدەستى. كەزدەسۋ بارىسىندا وبلىس اكىمى كوماندا فۋتبولشىلارىن وتكەن كەزەڭدەگى ءساتتى قادامدارىمەن قۇتتىقتاپ، الداعى ۋاقىتتا دا جانكۇيەرلەرىن جارقىن جەڭىستەرمەن قۋاندىرا بەرۋلەرىنە تىلەكتەستىگىن ءبىلدىردى، دەپ حابارلايدى Qamshy.kz اقپارات اگەنتتىگى الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
- «جەتىسۋ» - تاريحى تەرەڭ، ءوزىنىڭ قالىپتاسقان ءداستۇرى بار، بازاسى بار كوماندا. كوماندانىڭ قۇرامى جاڭا، جاتتىقتىرۋشىلار دا جاڭاردى. ءبىز ءوز تاراپىمىزدان قارجىلاندىرۋ ماسەلەسىن تولىق شەشتىك، سىزدەر تاجىريبە جيناۋ ءۇشىن قۇراماعا قاتىسۋعا قاجەتتى قولداۋلاردى كورسەتىپ وتىرمىز. ينفراقۇرىلىم ماسەلەسىن دە تولىق شەشەتىن بولامىز. وتكەن جىلعى مىندەتتەردى ناتيجەلى ورىندادىڭىزدار. بۇل جەمىستى جۇمىس - بىرلەسكەن ءىستىڭ قورىتىندىسى. ءقازىر پرەمەر-ليگا كوماندالارى اراسىندا فۋتبولدان ەل چەمپيوناتى باستالدى. جانكۇيەرلەر وسى جاڭا كەزەڭدە دە سىزدەردەن كورنەكتى ويىن كۇتەدى. كوپ نارسە سىزدەردىڭ كوڭىل كۇيلەرىڭىزگە، تاجىريبەلەرىڭىز بەن ەرىك-جىگەرلەرىڭىزگە بايلانىستى، - دەدى ا. باتالوۆ سپورتشىلارعا قاراتا.
ءسوز العان كوماندانىڭ باس جاتتىقتىرۋشىسى دميتريي وگاي وبلىس باسشىلىعىنا سپورتشىلارعا كورسەتكەن قولداۋ شارالارى ءۇشىن العىسىن ءبىلدىرىپ، بۇگىنگى كۇنى «جەتىسۋ» فۋتبول كومانداسىندا ەشقانداي ماسەلە جوق ەكەنىن ايتتى. كوماندانىڭ كوڭىل كۇيى دە، مورالدىق-پسيحولوگيالىق كليماتتىڭ دا جاقسى ەكەنىن جەتكىزدى.
- بىزگە ۇنەمى قولداۋ كورسەتىپ، بارلىق جاعدايدى جاساپ وتىرسىزدار. ءبىز ءوز تاراپىمىزدان العا قويعان مىندەتتەردى، جۇكتەلگەن جاۋاپكەرشىلىكتى ابىرويمەن اتقارۋعا بار كۇش-جىگەرىمىزدى سالاتىن بولامىز، - دەدى د. وگاي.
كوماندا كاپيتانى سەرىك ساعىندىقوۆ ويىنشىلار اتىنان الداعى سايىستاردا جانكۇيەرلەردى قۋانتۋعا بارىن سالاتىندارىن ايتتى.
كەزدەسۋ سوڭىندا كوماندانىڭ بارلىق مۇشەلەرى مەن جاتتىقتىرۋشىلارعا ساتتىلىك تىلەگەن وبلىس اكىمى ا. باتالوۆ جەڭىسكە جەتۋگە فۋتبولشىلاردىڭ بارلىق مۇمكىندىكتەرى بار ەكەنىن ەسكە سالىپ: «فۋتبولعا سالعان قارجى، بارلىق كۇش-جىگەرىمىز، بەن تالپىنىستارىمىزدى اقتاڭىزدار، سىزدەردى زور سەنىم ۇدەسىنەن شىعادى دەگەن ويدامىز»، - دەدى.
مۇنان كەيىن كوماندا اتىنان وبلىس اكىمىنە كلۋبتىڭ 7ء-شى ءنومىرلى فۋتبولكاسى مەن فۋتبول دوبى ۇسىنىلدى.
