الماتى وبلىسىندا پارا العان مەكتەپ ديرەكتورى مەن ءمۇعالىم 3، 5 جىلعا سوتتالدى، دەپ حابارلايدى قازاقپارات.
ىلە اۋداندىق سوتى چاپايەۆ اۋىلىنداعى مەكتەپتىڭ ەكس-ديرەكتورى ب. مەن جاپەك باتىر اۋىلىنىڭ بۇرىنعى ءمۇعالىمى ا.-نى ق ر قك-نىڭ 24-بابى 3-بولىگى جانە 366-بابى 2-بولىگى بويىنشا كىنالى دەپ تانىدى. ءىس ماتەريالىنا سايكەس، مەكتەپ ديرەكتورى پەداگوگتى جۇمىسقا قابىلداۋ ءۇشىن 160 مىڭ تەڭگە پارا العان.
ول بۇل قوماقتى قارجىنى جاپەك باتىر اۋىلىنىڭ وزگە ءمۇعالىمى ارقىلى العانى انىقتالدى. سوت شەشىمىنە سايكەس، سوتتالۋشىلار مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرىلدى.
«سونداي-اق سوت ۇكىمىمەن ب. مەن ا. كىنالى دەپ تانىلىپ، 3 جىل 5 ايعا باس بوستاندىقتارىنان ايىرىلدى. ولاردىڭ دۇنيە-مۇلكى تاركىلەنبەيدى. ۇكىم زاڭدى كۇشىنە ەنگەن جوق»، - دەلىنگەن الماتى وبلىستىق سوتىنىڭ حابارلاماسىندا.
