الماتى وبلىسىندا قاراسورا ءوسىرىپ، ساقتاعان 28 جاستاعى قاپشاعاي تۇرعىنى 3 جىلعا باس بوستاندىعىنان ايىرىلدى.

ءىس ماتەريالىنا سايكەس، تەرگەۋ جۇمىستارى ق ر قك 296-بابى، 4-بولىگىنە سايكەس اسا ءىرى كولەمدە ەسىرتكى زاتتارىن زاڭسىز ساقتاۋ دەرەگى بويىنشا جۇرگىزىلگەن. كۇدىكتىنى ءتارتىپ ساقشىلارى 2017 جىلدىڭ كۇزىندە «قاپشاعاي-قازاقستان اۋىلى» تاس جولىنىڭ 40-شى شاقىرىمىندا «شوشقالى ساي» شاتقالىندا قولعا تۇسىرگەن. ۇستاۋ بارىسىندا كۇدىكتىنىڭ قولىندا قاراسورا ەسىرتكىسى سالىنعان قارا پوليەتيلەن دورباسى بولعان. ەسىرتكى زاتتىڭ سالماعى 6 كگ 640 گرامم. قاپشاعاي قالاسىنىڭ سوتى كۇدىكتىنى كىنالى دەپ تاۋىپ، 3 جىلعا باس بوستاندىعىنان ايىردى.

الماتى وبلىستىق ءىىد 2018 جىلدىڭ وزىندە زاڭسىز اينالىمدا بولعان 292 كگ ءارتۇرلى ەسىرتكى زاتىن تاركىلەگەن. ونىڭ 2 كگ گەروين.