قىرعىزستاننىڭ ىشكى ىستەر مينيسترلىگى ريازان وبلىسىندا رەسەي پوليسياسى جانە ميگراسيالىق قىزمەتىمەن بىرلەسكەن وپەراسيا جۇرگىزىلگەنىن مالىمدەدى. ناۋرىز ايىندا ريازاندا تىگىن فابريكاسى قوجايىنى 13 قىرعىزستان ازاماتىنىڭ ءتولقۇجاتىن الىپ قويىپ، قۇلدىقتا ۇستاپ وتىر دەگەن اقپارات العان، دەپ حابارلادى centralasian.org.   

ءىىم حابارلاعانداي، "فيەۆرال" دەپ اتالاتىن تىگىن كومپانياسىنا رەسەي جانە ۆەتنام ازاماتى باسشىلىق ەتكەن. وندا ءار ەلدەن كەلگەن جۇزگە جۋىق ادام جۇمىس ىستەگەن. سولاردىڭ ىشىندە 13ء-ى قىرعىزستان ازاماتى بولعان. ولاردى بىشكەكتەگى "بەرەكەت" بازارى جانىندا دەلدال ارقىلى تاپقان. دەلدال دا قىرعىز ازاماتى بولعان.

 

تۇسكى ۇزىلىسكە تەك 40 مينۋت بەرگەن. سول ۋاقىتتا ولار وزدەرى تاماق دايىنداپ ۇلگەرۋى ءتيىس بولعان. ەگەر ۇلگەرمەسە، 5 مىڭ رۋبل ايىپپۇل سالعان. ەڭبەك اقىلارىن دا ۋاقىتىندا تولەمەگەن.

جۇمىسشىلاردىڭ ايتۋىنشا، كوبى جۇمىستان كەتپەك بولعان، ءبىراق ولاردى سەحتا كۇشتەپ ۇستاپ وتىرعان. قىرعىزستان ازاماتىنىڭ ءبىرى شىداماي، كوكتامىرىن كەسكەن. ارىپتەستەرى جەدەل-جاردەم شاقىرۋدى تالاپ ەتكەن. ءبىراق سەح قوجايىنى دارىگەر شاقىرۋدىڭ ءوزى اقىلى دەپ تالاپ قويعان.

رەسەيدە "فيەۆرال" جەتەكشىلەرىنە قارسى قىلمىستىق ءىس قوزعالدى.