بۇل تۋرالى الماتى وبلىسى كاسىپكەرلەرى مەن ينۆەستورلارىنىڭ فورۋمىندا ءمالىم بولدى، دەپ جازادى Qamshy.kz اقپارات اگەنتتىگى.

تالدىقورعاندا الماتى وبلىسىنىڭ كاسىپكەرلەرى مەن ينۆەستورلارىنىڭ ءىى فورۋمى ءوتتى. شارادا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى مەن وڭىرلىك كاسىپكەرلەر پالاتاسى اراسىنداعى جول كارتاسىنىڭ قورىتىندىسى ايتىلىپ، ءوزارا ىنتىماقتاستىقتىڭ جاڭا باستامالارى تانىستىرىلدى.

فورۋم مودەراتورى الماتى وبلىسى كاسىپكەرلەر پالاتاسى وڭىرلىك كەڭەسىنىڭ ءتورايىمى ريمما سالىقوۆا ايماق كاسىپكەرلەرى مەن ينۆەستورلارى ءۇشىن اكىمشىلىك كەدەرگىلەردى ازايتۋ، سونداي-اق بىرلەسكەن ءىس-قيمىلداردى جۇزەگە اسىرۋ بويىنشا ۇسىنىستار ەنگىزۋدە اتالمىش شارانىڭ ماڭىزدىلىعىن اتاپ ءوتتى.

مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى الماتى وبلىسى بويىنشا دەپارتامەنتىنىڭ باسشىسى سەرىكباي نۇرعيسايەۆ ءوز سوزىندە مەملەكەتتىك ورگانداردىڭ ەسەپ بەرۋ جانە باعالاۋ جۇيەسىن جەتىلدىرۋ، سونداي-اق سىرتقى باعالاۋ مەحانيزمدەرىن انىقتاۋ ارقىلى قوعام مەن مەملەكەتتىڭ مۇددەسىن قورعاۋ، ازاماتتىق قوعام ينستيتۋتتارىمەن ىنتىماقتاستىقتىڭ ءارتۇرلى نىساندارىن قۇرۋ كاسىپكەرلەر قوعامداستىعىنىڭ مەملەكەتكە دەگەن سەنىمىن ارتتىراتىنىن جەتكىزدى

فورۋمدا الماتى وبلىسى كاسىپكەرلەر پالاتاسىنىڭ ديرەكتورى ناريمان ءابىلشايىقوۆ «اتامەكەن» ۇكپ قىزمەتىنىڭ باستى ناتيجەلەرىنە توقتالدى. وبلىستىق پالاتا باسشىسى ۇكپ مەن ۇكىمەتتىڭ بىرلەسكەن جۇمىسىنىڭ ارقاسىندا سالىق جانە كەدەن كودەكستەرىنە ەلەۋلى وزگەرىستەر ەنگىزىلىپ، بيزنەستى قايتا رەتتەۋ، قىلمىستىق زاڭنامانى ىزگىلەندىرۋ بويىنشا اۋقىمدى جۇمىستار اتقارىلعانىن ايتتى.

«2018 جىلى بيزنەسكە باعىتتالعان 23 مەملەكەتتىك قولداۋ شارالارى بويىنشا رۇقساتاناما قۇجاتتاردى رەينجينيرينگىلەۋ جانە 584 قىزمەتتى وڭتايلاندىرۋ بويىنشا جۇمىس جالعاستىرىلادى. وڭىردەگى قوردالانعان ماسەلەلەر كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسىنىڭ وتىرىستارىنا شىعارىلادى. كەڭەس قۇرامىنھ قۇقىققورعاۋ ورگاندارىنىڭ باسشىلارى مەن قوعام قايراتكەرلەرى مۇشە. جەرگىلىكتى قۇرامدى دامىتۋ مەن ۇلەسىن ارتتىرۋ ماقساتىندا جۇمىس كوميسسياسى قۇرىلعان، وندا اكىمدىكتەر مەن سالالىق باسقارمالاردىڭ جۇمىس ناتيجەلەرى تىڭدالادى»، - دەدى ناريمان ءابىلشايىقوۆ. وتاندىق وندىرۋشىلەردى قولداۋ جونىندە ايتا كەلە، ناريمان ءابىلشايىقوۆ اكىمدىكتەر مەن مەملەكەتتىك ورگانداردىڭ رەسمي ينتەرنەت-رەسۋرستارىندا مەملەكەتتىك ساتىپ الۋ تۋرالى وزەكتى اقپاراتتىڭ جوقتىعىنا نازار اۋدارتتى. اتالمىش ماسەلە جەتىسۋ كاسىپكەرلەرى الدىنداعى كەدەرگىلەردىڭ ءبىرى بولىپ وتىر.

سپيكەرلەر سوڭعى جىلدارى ەلىمىزدەگى سىبايلاس جەمقورلىققا قارسى ساياسات تۇبەگەيلى وزگەرىپ، ءتۇرلى شارالار قولعا الىنعانىن ايتتى.

الدىن الۋ شارالارى - بۇل ستراتەگيالىق مىندەتتەردىڭ ءبىرى بولىپ تابىلادى، دەيدى  سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ الماتى وبلىسى بويىنشا باسشىسى دانيار تۇرعانبايەۆ. وسىلايشا جۇمىس باعىتى جەمقورلىقتىڭ سالدارىنا ەمەس، العىشارتتارىنا اۋىسقان.

«ءبىزدىڭ تاراپىمىزدان شاعىن جانە ورتا بيزنەس وكىلدەرىن قىزمەتتەرىنە زاڭسىز ارالاسۋدان ساقتاۋ ءۇشىن بارلىق ششارالار قولدانىپ كەلەدى. 2015 جىلدان باستاپ قازىرگە دەيىن وبلىس بويىنشا شەنەۋنىكتەردىڭ كاسىپكەرلىك سۋبەكتىلەرى قىزمەتىنە ارالاسۋدىڭ 41 فاكتىسىن انىقتالعان. سوتقا دەيىنگى تەرگەۋدىڭ ءبىرىڭعاي تىزىلىمىندە 95 قىلمىستىق ءىس تىركەلگەن. قىلمىستىق جاۋاپكەرشىلىككە 59 لاۋازىمدى تۇلعا، ءتۇرلى جازاعا 52 لاۋازىمدى تۇلعا تارتىلعان. جالپى 72 كاسىپكەرلىك سۋبەكتىسىنىڭ قۇقىعى قورعالدى»، - دەدى وبلىستىق ۇلتتىق بيۋرو باسشىسى.

تۇرعانبايەۆتىڭ سوزىنشە، قىلمىستىڭ كوپشىلىگى سالىق قىزمەتى، اتقارۋشى بيلىك ورگاندارىنىڭ قىزمەتكەرلەرىمەن، سونداي-اق، زاڭبۇزۋشىلىقتار ادىلەت ورگانى، اۋىل شارۋاشىلىعى، جەرگىلىكتى اتقارۋشى بيلىك ورگانىنىڭ قىزمەتكەرلەرى تاراپىنان جاسالعان. اتامىش جاعدايداردىڭ بارلىعى پارا الۋمەن بايلانىستى جانە پارانىڭ قۇنى 300 مىڭنان 2 ملن تەڭگەگە دەيىن قۇراعان.

فورۋم بارىسىندا ءوڭىر كاسىپكەرلەرى ءبىرقاتار جۇيەلى ماسەلەلەردى دە ورتاعا سالدى.

شارا سوڭىندا الماتى وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتى، الماتى وبلىسى بويىنشا سىبايلاس جەمقورلىققا قارسى كۇرەس جونىندەگى ۇلتتىق بيۋروسىنىڭ (سىبايلاس جەمقورلىققا قارسى قىزمەت) دەپارتامەنتى مەن الماتى وبلىسىنىڭ وڭىرلىك كاسىپكەرلەر پالاتاسى اراسىندا سىبايلاس جەمقورلىققا قارسى كۇرەس جانە كاسىپكەرلەر مەن ينۆەستورلاردىڭ قۇقىقتارىن قورعاۋ جونىندەگى ىنتىماقتاستىق تۋرالى ءتورتجاقتى مەموراندۋمعا قول قويىلدى.