ەكسپو تۋريستىك اۋماعىندا ناۋرىز مەيرامى العاش رەت تويلاندى. ۇلىستىڭ ۇلى كۇنىن تويلاۋ اياسىندا «نۇر الەم» - «بولاشاق ەنەرگياسى» مۇراجايىنىڭ ىرگەسىندە كيىز ۇيلەر تىگىلىپ، شاتىرلار ورناتىلىپ، ۇلتتىق ءداستۇرىمىز بەن ادەت-عۇرىپتاردى باياندايتىن تەاترلاندىرىلعان قويىلىمدار وتكىزىلىپ، سپورتتىق ويىندار ويناتىلىپ، قازاق مادەنيەتى مۇراجايلارىندا ءداستۇرلى قولونەر تۋىندىلارى ۇسىنىلعان. ايگىلى شەبەرلەر زەرگەرلىك، كەستە تىگۋ ونەرى، اعاشتى ويۋ، تەمىردى كوركەمدەپ وڭدەۋ، ءداستۇرلى توقىماشىلىق، قامشى ءورۋ جانە ت.ب. قولونەر بۇيىمدارىن ۇسىندى.

مەرەكەلىك ءىس-شاراعا شىعارماشىلىق ۇجىمدار، بي توپتارى مەن بەلگىلى ورىنداۋشىلار جۇمىلدىرىلعان. قوناقتار ىستىق باۋىرساق پەن ناۋرىز كوجەدەن ءدام تاتتى.

ناۋرىز مەيرامى ەرتەڭ، 22 ناۋرىز كۇنى ساعات 10.00-دە جالعاسىن تاپپاق. ەكسپو تۋريستىك ايماعىنىڭ نىساندارى بولسا، قاراڭعى تۇسكەنشە جۇمىس ىستەيدى. مەيرامعا كەلگەن قوناقتار «نۇر الەم» - «بولاشاق ەنەرگياسى» مۇراجايى مەن ۇزدىك تاجىريبەلەر ايماعىن ساعات 21.00-گە، ەكسپو مۇز ايدىنىن 23.00-گە دەيىن تاماشالاي الادى.

بۇدان بولەك، ەكسپو-2017 اۋماعىندا كەلۋشىلەردىڭ جايلىلىعى ءۇشىن 1000 اۆتوورىندىق جەراستى تۇراعى قاراستىرىلعان. تۇراق تاۋلىك بويى جۇمىس ىستەيدى، وعان كىرۋ/شىعۋ ت. رىسقۇلوۆ كوشەسى جاعىنان (وڭتۇستىك كىرۋ توبى) جۇزەگە اسىرىلادى.

كورمە اياقتالعاننان كەيىن تۋريستىك ايماقتاعى ەكسپو-2017 مۇراسىنىڭ ەڭ ماڭىزدى نىسانى، ءسوزسىز، «نۇر الەم» پاۆيلون-مۇراجايى بولىپ تابىلادى. ول 2017 جىلعى قاراشادا ەرەكشە قورعالاتىن مەملەكەتتىك ساۋلەت نىسانى بولىپ تانىلدى.

سونداي-اق، «نۇر الەم» شەتەلدىك باق-تا ەلوردامىزدىڭ جاڭا سيمۆولى استانانىڭ ەڭ ءجيى ەسكەرىلەتىن تۋريستىك نىسانى قاتارىندا.

ۇزدىك تاجىريبەلەر ايماعى – ەكسپو-2017 سيمۆوليكالىق ورتالىعى. وندا ەڭ ۇزدىك تەحنولوگيالار، جوبالار مەن ءارتۇرلى ەنەرگەتيكا سالاسىنداعى ستراتەگيالار ۇسىنىلعان. وندا ونەركاسىپتە، ەلەكترقۋاتىن ساقتاۋ مەن قولدانۋ، كليماتتىڭ وزگەرۋىمەن كۇرەس نەمەسە دامۋشى ەلدەردە ەلەكترەنەرگياسىمەن قامتاماسىز ەتۋ جولدارى قاراستىرىلعان.

كورمە كەشەنىنىڭ ماڭىندا كونگرەسس-ورتالىعى ورنالاسقان. كونگرەسس-ورتالىعىندا اۋقىمدى مادەني ويىن-ساۋىق شارالار، تاقىرىپتىق فورۋمدار مەن كونسەرتتەر وتكىزۋگە بارلىق مۇمكىندىكتەر قاراستىرىلعان.

ەنەرگيا حولى - كامەرالىق كونسەرتتەر، ونەر توپتارىنىڭ قويىلىمدارى  ءۇشىن جوعارىتەحنولوگيالىق دىبىستىق قۇرىلعىلارىمەن جابدىقتالعان، كوپفۋنكسيالى ساحنا الاڭى.