جاڭا وقۋ جىلىندا تالدىقورعاندا ءۇش بىردەي جاڭا مەكتەپ پايدالانۋعا بەرىلەدى دەپ جوسپارلانۋدا.

وبلىستا جالپى بىلىممەن قام­تۋعا، ونىڭ ىشىندە زامان تالابىنا ساي ءبىلىم بەرەتىن عيماراتتار سالۋعا ەرەكشە كوڭىل ءبولىنىپ وتىر. ماسەلەن، وڭىردەگى اپاتتى مەكتەپ­تەردىڭ ورنىنا جاڭاسىن سالۋ مەن ءۇش اۋىسىمدى وقىتۋ ماسەلەسىن شەشۋ كۇن تارتىبىندە تۇر. وسى ماقساتتا وتكەن جىلى 47 ءبىلىم بەرۋ نىسانىن سالۋعا جانە جاڭعىرتۋعا 26 ملرد تەڭگە بولىنگەن ەكەن. ونىڭ ىشىندە جالپى قۇنى 5،2 ملرد تەڭگەنى قۇرايتىن 24 عيمارات تولىقتاي كۇردەلى جوندەۋدەن وتكىزىلدى. مۇنىڭ كوبىسى وبلىستىڭ حالىق مولىنان قونىستانعان اۋدانداردا جۇزەگە اسقان. ال وبلىس ورتالىعىنداعى سۇرانىستى وتەۋگە بولىنگەن قارجى تو­لىقتاي يگەرىلىپ، ناتيجەسىندە سا­لىن­عان عيماراتتار مەرزىمىندە قول­­دا­نىسقا بەرىلىپ وتىر. مىسالعا، الداعى جاڭا وقۋ ماۋسىمىنىڭ باستاۋ­ىندا تالدى­قورعان قالاسىندا شىت جاڭا مۋزىكا مەكتەبى جانە ءارقايسىسى 1200 ورىندىق ەكى جاڭا مەكتەپ وقۋ­شىلارعا ەسىگىن ايقارا اشپاقشى.

جاقىندا وبلىس اكىمى اماندىق باتالوۆ قۇرىلىسى قىزۋ ءجۇرىپ جاتقان ءبىلىم وشاقتارىنداعى جۇمىس بارىسىمەن ارنايى بارىپ تانىستى. ارالاۋ كەزىندە ءوڭىر باس­شىسى ءار نىسانعا قاتىستى ەسكەرتپەلەرىن ايتىپ، اتقارىلىپ جاتقان جۇمىستاردىڭ ساپاسىنا باسا نازار اۋدارۋدى تاپسىردى. 

وبلىس ورتالىعىنداعى 300 ورىندىق مۋزىكا مەكتەبى جاڭا وڭتۇستىك-باتىس تۇرعىن ءۇي اۋدانىندا ورنالاسقان. ەكى قاباتتى عيماراتتىڭ كەيپى امفيتەاترعا ۇقساس، 200 ورىنعا ارنالعان جەكە كونسەرت زالى بار. نىسانداعى جۇمىستار كەستەگە سايكەس جۇرگىزىلۋدە. وسى اۋداندا 1200 ورىندىق جالپى ءبىلىم بەرەتىن مەكتەپتىڭ دە قۇرىلىسى ءجۇرىپ جاتىر. ال 1200 ورىنعا ارنالعان تاعى ءبىر مەكتەپ وبلىس ورتالىعىنىڭ سولتۇستىك-باتىس اۋدانىندا سالىنۋدا. باس مەردىگەرى – «Melior Logistik» كومپانياسى، جوبالاۋشىسى – «ارلان-جوبا قۇرىلىس» ج ش س. بۇل ءبىلىم نىسانىنىڭ قۇرى­­لىسى شىلدە ايىندا اياق­تالۋى ءتيىس. ءقازىر ىشكى ارلەۋ جۇمىس­تارى ءجۇرىپ جاتىر. وسى ساپارىندا وبلىس اكىمى مەكتەپتىڭ قاسبەتى ءتۇسىنىڭ قانداي بولاتىنىن ناقتىلاپ بەرىپ، سول سياقتى تاڭ­دالعان ىشكى ەسىكتەرىن، جارىق شامدارى مەن ەدەن توسەنىشتەرىن كورىپ، ماقۇلدادى. وسى ءۇش نىساننىڭ دا سالىنىپ بىتەتىن مەرزىمى شىلدە ايى دەپ جوس­پارلانىپ وتىر. ءبىلىم كۇنىندە بۇل ءبىلىم وشاقتارى ءوزىنىڭ العاشقى تاربيەلەنۋشىلەرىن قابىلداماق.

سونداي-اق ءوڭىر باسشىسى تالدى­قورعان قالاسىنىڭ اۋما­عىندا سالىنىپ جاتقان كوتتەدج قالاشىعىن دا نازاردان تىس قال­دىر­مادى. وندا ءقازىر ءتورت بولمەلى 48 پاتەردەن تۇرا­تىن، جالپى الاڭى 5،8 مىڭ شار­شى مەتر بولاتىن 12 كوتتەدج عيماراتى سالىنىپ جاتىر. ارالاۋ بارىسىندا ايتىلعانداي، جىل سوڭىنا دەيىن جالپى قۇنى 2،4 ملرد تەڭگە بولاتىن 202 پاتەرلى 166 كوتتەدج تۇر­عىزۋ كوزدەلگەن. وبلىس باسشىسى امان­دىق باتا­لوۆ كوت­تەدجدى قالاشىق اۋما­عىن­دا شام باعانالارىن اۋىستىرۋدى ەسكەرت­ءتى. وسى ارالاۋ بارىسىندا اكىم بيىلعى جىلدىڭ قىركۇيەك ايىندا پايدالانۋعا بەرىلەتىن جاڭا دراما تەاترىنا دا سوعىپ، ارلەۋ جۇمىستارىنىڭ بارىسىن كوردى.