اۋدان اكىمدىكتەرىنىӊ سايتتارىندا كاسىپكەرلەرگە قاجەتتى وزەكتى اقپارات جوق. بۇل تۋرالى تالدىقورعاندا وتكەن وتاندىق تاۋار وندىرۋشىلەرگە قولداۋ كورسەتۋ شەӊبەرىندە ساتىپ الۋ سالاسىنداعى جۇمىس كوميسسياسىنىӊ كەزەكتى وتىرىسىندا ايتىلدى.

كوميسسيا مۇشەسى، الماتى وبلىسى كاسىپكەرلەر پالاتاسى كاسىپكەرلەردىӊ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەӊەسىنىӊ ءتوراعاسى بانيامين فايزۋلين ۇلتتىق ەكونوميكا ءمينيسترىنىӊ رەسمي ينتەرنەت-رەسۋرستا سۇرانىس بار نەگىزى قۇرىلىس ماتەريالدارى مەن قۇرالدارى تۋرالى اقپاراتتى جاريالاۋ تۋرالى بۇيرىعىن اۋدان اكىمدىكتەرى ورىندامايتىنىن مالىمدەدى.

«جوبالىق قۇجاتتامادا قاراستىرىلعان نەگىزگى قۇرىلىس ماتەريالدارى، قۇرالدارى، ونىمدەرى مەن قۇراستىرىلىمدارعا سۇرانىس بەكىتىلگەن سمەتالىق تىزىمدەمەنى رەسمي ينتەرنەت-رەسۋرستا جاريالاۋدى قامتاماسىز ەتۋ تۋرالى ۇلتتىق ەكونوميكا ءمينيسترىنىڭ 2015 جىلدىڭ 19 ناۋرىزىنداعى بۇيرىعى  بار. بۇيرىق ءۇش جىل بۇرىن ورىندالاۋى كەرەك بولاتىن، ءبىراق ورىندالمادى. قولىمدا بار پرەمەر-مينيستردىڭ تۇسىندىرمە جازباسى بويىنشا ۇكىمەت ورتالىقتاندىرىلعان ساتىپ الۋ قىزمەتىن قۇرۋ ارقىلى جاڭا ساتىعا شىعۋدى جوسپارلاپ وتىر. ال ءبىز ءالى ءبىرىنشى ساتىداعى تاپسىرمانى ورىنداي المادىق. مەن بۇل سۇراقتى وبلىس اكىمدىگىنە جولدايمىن. جالپى بۇل جۇمىستى اۋدان اكىمدىكتەرى جۇرگىزۋى ءتيىس. وسىنىڭ  ورىندالماۋ سەبەبىن بىلگىم كەلەدى»، - دەدى بانيامين فايزۋلين. 

كوميسسيا ءتوراعاسى، الماتى وبلىسى كاسىپكەرلەر پالاتاسىنىڭ ديرەكتورى ناريمان ءابىلشايىقوۆ اۋدان اكىمدىكتەرى مەن وبلىستىق قۇرىلىمداردىڭ بارلىعى بىردەي مەملەكەتتىك ساتىپ الۋ تۋرالى اقپاراتتى جاريالايمايتىنىنا نازار اۋدارتتى. مىسالى، ەسكەلدى اۋدانى اكىمدىگىنىڭ سايتىندا ساتىپ الۋ بويىنشا وزەكتى مالىمەتتەر 2017 جىلدىڭ قاراشاسىندا شىققان.

«كاسىپكەرلەر پالاتاسى قوعامدىق مونيتورينگ فورماسىندا پوستتەندەرلىك باقىلاۋ وتكىزدى. تالدىقورعان قالاسىنداعى 230 پاتەرگە ارنالعان 16 قاباتتى ءۇش تۇرعىن ءۇيدىڭ قۇرىلىسىندا پايدالانىلاتىن نەگىزگى ماتەريالداردىڭ جيىنتىق تىزىمدەمەسىن تالداۋ بارىسىندا قۇرىلىسقا 100 جايعاسىم بويىنشا تاۋارلاردى پايدالانۋ جوسپارلانعان. ونىڭ ىشىندە 50 جايعاسىمدا جۇڭگو مەن رەسەي تاۋارلارى. سوندا كورسەتىلگەن قۇبىرلىق ونىمدەر، جەلدەتۋشى قۇرالدار، اليۋمينيي قۇراستىرىلىمدار، تەرەزە مەن ەسىك بلوكتارى قازاقستاندا دا شىعارىلادى»، - دەپ اتاپ ءوتتى پالاتا باسشىسى ناريمان ءابىلشايىقوۆ.

وبلىستىق كاسىپكەرلىك، يندۋستريالدى-يننوۆاسيالىق دامۋ باسقارماسىنىڭ باسشىسى ءالىمجان توقتاسىنوۆ ساتىپ الۋ سالاسىندا جولنۇسقا بولاتىن ايماق وندىرۋشىلەرىنىڭ ءبىرىڭعاي كاتالوگىن ازىرلەۋ تۋرالى ۇسىنىس ءبىلدىردى.

جۇمىس كوميسسياسىنىڭ وتىرىسىندا ەسكەلدى اۋدانى اكىمدىگى، ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسىنىڭ وتاندىق تاۋار وندىرۋشىلەردى ساتىپ الۋ سالاسىندا قولداۋ ماسەلەلەرى بويىنشا جۇمىس قورىتىندىسى تىڭدالدى. 

ەسكەلدى اۋدانى اكىمىنىڭ ورىنباسارى ەلدوس احمەتوۆ وتكەن جىلى 54 اشىق كونكۋرس بولىپ، ونىڭ ىشىندە 10-ى وتكىزىلمەي، قايتا ۇيىمداستىرىلعانىن ايتتى.

ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسىنداعى زاڭ، مەملەكەتتىك-قۇقىقتىق ءبولىمىنىڭ باسشىسى قاناعات مولدابەكوۆتىڭ اقپاراتىنشا، ساتىپ الۋداعى جەرگىلىكتى قۇرام ۇلەسى 68،7%ء-تى قۇراعان. ونىڭ ايتۋىنشا، شىن مانىندە جەرگىلىكتى قۇرام ۇلەسىنىڭ كورسەتكىشى ودان دا جوعارى.

«تاۋار، قىزمەت پەن قىزمەت تۇرلەرىن جەتكىزۋشىلەردىڭ كوپشىلىگى فورمانى قاتە نەمەسە مۇلدەم تولتىرمايدى. ناقتى جاعدايدى كورسەتۋ ءۇشىن ءبىز پورتالعا ەنگىزىلگەن اقپاراتتاردى شىعارىپ الىپ سارالادىق. قىزمەت مەن قىزمەت تۇرلەرى بويىنشا اقپاراتتار تۇزەتىلىپ، جەتكىزۋشى تاراپىنان ءىستىڭ اياقتالمايتىنىن انىقتادىق. ماسەلەن، جەر كاداسترى دەپارتامەنتىنىڭ 1،9 ملن سوماداعى كەلىسىم-شارت مىندەتىن ورىنداۋ ناتيجەسى بويىنشا وتاندىق تاۋار ءوندىرۋشى باعانىندا 100 تەڭگە دەپ جازىلعان. سايكەسىنشە جەرگىلىكتى قۇرام ۇلەسى 0،01%ء-تى قۇراعان. ال 28،5 ملن تەڭگە سوماداعى كەلىسىم-شارت بويىنشا وتاندىق تاۋار ءوندىرۋشى بويىنشا جالپى سوما كورسەتىلمەگەن»، - دەدى قاناعات مولدابەكوۆ.

سونىمەن بىرگە ول:

«ەنگىزىلگەن تۇزەتۋلەر بويىنشا جەرگىلىكتى قۇرام ۇلەسى 87،6%ء-تى قۇرايتىن ەدى. 2018 جىلى بۇل باعىتتاعى جۇمىس قاتاڭ باقىلاۋدا بولادى» دەدى.

بيىل باسقارماعا تاۋار، قىزمەت پەن قىزمەت كورسەتۋگە مەملەكەتتىك بيۋدجەتتەن 9،6 ملرد تەڭگە بولىنگەن.

مەملەكەتتىك ساتىپ الۋ پورتالىنا سايكەس (الماتى وبلىسى قارجى باسقارماسىنىڭ اقپاراتى بويىنشا) اعىمداعى جىلدىڭ ەكى ايىندا جالپى سوماسى 78،9 ملرد تەڭگە بولاتىن 38 244 ساتىپ الۋ ۇيىمداستىرىلعان. بارلىق 3 250 جەتكىزۋشى قازاقستان رەسپۋبليكاسى رەزيدەنتى بولىپ تابىلادى. 

ايتا كەتەيىك، وتاندىق تاۋار وندىرۋشىلەرگە قولداۋ كورسەتۋ شەڭبەرىندە ساتىپ الۋ سالاسىنداعى جۇمىس كوميسسياسىنىڭ وتىرىستارى تالدىقورعان قالاسىندا اپتا سايىن وتكىزىلىپ كەلەدى. كاسىپكەرلەر پالاتاسىنىڭ الاڭىندا اكىمدىكتەر مەن سالالىق باسقارمالاردىڭ ساتىپ الۋ سالاسى بويىنشا جۇمىستاردى تىڭداۋ جوسپارلانعان. وتكەن وتىرىستا قاراساي اۋدانى جانە وبلىستىق دەنساۋلىق ساقتاۋ باسقارماسىنىڭ ەسەپتەرى تىڭدالدى.