تالدىقورعان قالاسىنىڭ اكىمدىگى جىل سايىن اتالعان باعىتتا جۇمىس اتقاراتىن كوميسسيانىڭ ءىس-جوسپارىن بەلگىلەپ، ونى بەكىتىپ وتىرادى.
جوعارىدا اتاپ كورسەتىلگەن جوسپار مىندەتتەرىن ورىنداۋ ماقساتىندا 2017 جىلى وبلىس ورتالىعى اۋماعىندا وبلىستىق جانە قالالىق پروكۋراتۋرا قىزمەتكەرلەرىنىڭ، سونداي-اق، ۇقك دەپارتامەنتىنىڭ، «نۇر وتان» پارتياسىنىڭ وبلىستىق جانە قالالىق فيليالدارى مەن ب ا ق وكىلدەرىنىڭ قاتىسۋىمەن دوڭگەلەك ۇستەل، سەمينارلار، اكسيالار، كونفەرەنسيالار، پىكىرتالاستار، ءبىرقاتار كەزدەسۋلەر مەن رەيدتەر ت.س.س. وتكىزىلدى. قالانىڭ بارلىق جوعارى وقۋ ورىندارىندا قۇقىق قورعاۋ ورىندارىنىڭ، پروكۋراتۋرانىڭ، ۇقك جانە الماتى وبلىسىنداعى سىبايلاس جەمقورلىققا قارسى كۇرەس جونىندەگى ۇلتتىق بيۋرو قىزمەتكەرلەرىنىڭ تىكەلەي قاتىسۋىمەن جەمقورلىققا قارسى كۇرەس تاقىرىپتارىنا ارنالعان دارىستەر وتكىزۋ ۇيىمداستىرىلدى.
وسىنداي ءىس-شارالاردىڭ ءوتۋى بارىسىندا وبلىستىق جانە قالالىق بۇقارالاق اقپارات قۇرالدارىنىڭ بەتتەرىندە، جەرگىلىكتى تەلەديدار مەن راديودا سىبايلاس جەمقورلىققا قارسى قالالىق مەملەكەتتىك ورگان باسشىلارى ءسوز الدى. باسپا ءسوز بەتتەرىندە 27-دەن استام ماقالالار جاريالاندى. «جەتىسۋ» تەلەارناسىندا تالدىقورعان قالاسى اكىمى اپپاراتىنىڭ مەملەكەتتىك زاڭ جانە مەملەكەتتىك-قۇقىقتىق ءبولىمىنىڭ باسشىسى ا. باتحولدينوۆانىڭ قاتىسۋىمەن قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جانە كولەڭكەلى ەكونوميكاعا قارسى ءىس-قيمىل مەن سىبايلاس جەمقورلىققا قارسى كۇرەستىڭ وزەكتى ماسەلەلەرى تۋرالى حابار تاراتىلدى.
قالا اۋماعىندا 2 باننەر ورناتىلعان، ال «جاستار» ساياباعىندا ساندىق بەينەبەتتەن تۇراقتى 1 بەينەبايان. ەكرانى ورناتىلعان.
تالدىقورعان قالاسى اكىمدىگىنىڭ بارلىق قۇرىلىمدىق بولىمشەلەرىندە قۇقىقتىق جالپى ءبىلىم بەرۋ اياسىندا جۇمىس جۇرگىزىلۋدە. 2017 جىل بويىنشا سىبايلاس جەمقورلىققا قارسى زاڭناماعا نەگىزدەلگەن 2 تاقىرىپتىق وتىرىس ءوتتى.
مەملەكەتتىك قىزمەتشىلەرگە قويىلاتىن تالاپتاردىڭ ارتۋىنا قاتىستى مەملەكەتتىك ورگانداردىڭ، مەملەكەتتىك ۇيىمداردىڭ جانە مەملەكەتتىك قاتىسۋ ۇلەسى بار ۇيىمداردىڭ باسشىلارىنا سىبايلاس جەمقورلىققا قارسى ءىس-قيمىل ءۇشىن تىكەلەي جاۋاپكەرشىلىك جۇكتەلدى.
بارلىق مەملەكەتتىك قىزمەتكەرلەر نازارىنا زاڭ جۇزىندە بەكىتىلگەن مىندەتتەر جەتكىزىلدى، ولار: وزدەرىنە بەلگىلى بولعان بارلىق سىبايلاس جەمقورلىق جونىندەگى قۇقىقبۇزۋشىلىق جاعدايلار تۋرالى ءوز باسشىلىعىنا نەمەسە قۇقىق قورعاۋ ورگاندارىنا حابارلاۋ، بۇل تالاپتى ورىنداماعانداردى تارتىپتىك جاۋاپكەرشىلىككە تارتۋ. سونداي-اق، ازاماتتاردىڭ سىبايلاس جەمقورلىققا قارسى ارەكەتتەرىن مەملەكەت تاراپىنان ىنتالاندىرۋ، ونداي قىلمىستاردىڭ الدىن الۋعا جانە ولاردى اشۋعا كومەك كورسەتكەندەرى ءۇشىن ماراپاتتاۋ تەتىكتەرى، مەملەكەتتىك قىزمەتكەرلەردىڭ قارجىلىق كىرىس- شىعىستارىن باقىلاۋ شارالارى ءتۇسىندىرىلدى.
سونىمەن قاتار، مەملەكەتتىك ورگاندارداعى سىبايلاس جەمقورلىققا قاتىستى قۇقىق بۇزۋشىلىق جاساۋعا قولايلى جاعداي تۋعىزاتىن لاۋازىمدار تىزبەسىن ايقىنداۋعا بايلانىستى ەرەجەلەر مەن نورمالار، سونداي لاۋازىمدار بويىنشا اتقارىلاتىن قىزمەتتەرگە قابىلداۋ ءۇشىن كۇشەيتىلگەن تالاپتاردى ەنگىزۋ ءتارتىبىن ءتۇسىندىرۋ جۇمىستارى جۇرگىزىلدى. باسقاشا ايتقاندا، وسىنداي لاۋازىمداردى اتقاراتىن تۇلعالاردىڭ ارنايى تەكسەرۋلەردەن وتكىزىلەتىنى، سونىڭ ىشىندە ولاردىڭ ادالدىعىن تەكسەرۋگە باعىتتالعان تەستىلەۋ مەن سىبايلاس جەمقورلىققا يتەرمەلەيتىن ءارتۇرلى ويىندىق جاعدايلار ۇلگىلەرى قولدانىلاتىن پسيحولوگيالىق سىناقتار جۇرگىزىلەتىنى ءتۇسىندىرىلدى. ال، ول سىناقتار كەرى ناتيجەلەر كورسەتسە، لاۋازىم يەلەرىنىڭ مەملەكەتتىك قىزمەتتەن بوساتىلاتىنى انىق.
وسىنداي جۇمىستاردىڭ تابىستى بولۋى ءۇشىن بارلىق ءىس-شارالار الماتى وبلىسىنىڭ مەملەكەتتىك قىزمەت ىستەرى جونىندەگى دەپارتامەنتىنىڭ اۋماقتىق بولىمشەسىمەن بىرلەسە جۇرگىزىلەدى. مەملەكەتتىك قىزمەت ىستەرى جونىندەگى الماتى وبلىستىق دەپارتامەنتىنە مەلەكەتتىك قىزمەتكەرلەر تۋرالى، بۇرىن مەملەكەتتىك قىزمەت اتقارعان ادامدار جايلى مالىمەتتەردىڭ ءبىرتۇتاس ەلەكتروندىق بازاسىن جۇرگىزۋ ماقساتىندا ءارتۇرلى ەسەپ بەرۋ فورمالارى بەرىلىپ تۇرادى. بۇل مەملەكەتتىك قىزمەتكە لايىق ادامداردى ساپالى تۇردە ىرىكتەۋگە، جوعارى لاۋازىمدى قىزمەتتەرگە دۇرىس تاعايىنداۋلار جۇرگىزىلۋىنە جاقسى مۇمكىندىكتەر بەرىپ قانا قويماي، بۇرىن اتىنا كىر كەلتىرگەن ادامداردىڭ مەملەكەتتىك قىزمەتكە كىرۋىنە بوگەسىن دە بولادى.
سىبايلاس جەمقورلىقپەن كۇرەس جۇرگىزۋ جۇمىستارىنىڭ ماڭىزدى ءبىر تۇسى جانە مەملەكەتتىك ورگانداردا اتقارىلىپ جاتقان ىستەردىڭ اشىقتىعىن، جاريالىلىعىن ايقىندايتىن كورسەتكىشتەردىڭ ءبىرى – اقپاراتتىق جۇيەلەر مەن تەحنولوگيالاردى، ينتەرنەت-رەسۋرستاردى، WEB – پورتالداردى، سايتتاردى ت.ب. پايدالانۋ جانە قولدانۋ دەڭگەيى.
قالالىق مەملەكەتتىك ورگاندار قىزمەتىنىڭ جاريالىلىعىن جانە اشىقتىعىن قامتاماسىز ەتۋ، جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىنە قاتىستى ماسەلەلەر جونىندە تۇسىنىستىك قالىپتاستىرۋ ماقساتىندا قالا اكىمدىگىنىڭ رەسمي سايتى، قالا اكىمىنىڭ جەكە بلوگى، الەۋمەتتىك جۇيەلەردە، TWITTER-دە، FaceBook-تە ت.ب. ورنالاسقان قالا باسشىلارىنىڭ ەلەكتروندى بايلانىس مالىمەتتەرى بار. بۇل مالىمەتتەر مەن ەلەكتروندىق مەكەنجايلار، سونداي-اق، بارلىق جەرگىلىكتى باق-تا جاريالانعان.
قالا اكىمدىگىنە قاتىستى مەملەكەتتىك ورگانداردىڭ قازاقستان رەسپۋبليكاسى قابىلداعان جانە 2016 جىلعى 01 قاڭتاردان ىسكە قوسىلعان “اقپاراتقا قولجەتىمدىلىك تۋرالى” زاڭدى كەڭىنەن قولدانۋى ەرەكشە نازاردا. بۇل زاڭ بويىنشا ءار ازاماتتىڭ اقپاراتتى ەركىن تۇردە، زاڭ جۇزىندە تىيىم سالىنباعان ادىسپەن الۋىنا جانە تاراتۋىنا كونستيتۋسيالىق قۇقىعى بار. اتاپ ايتقاندا:
1) ساۋال بويىنشا اقپارات الۋ؛
2) اقپاراتتى ينتەرنەت-رەسۋرستا ورنالاستىرۋ، ت.س.س.
قالا اكىمدىگىنىڭ رەسمي سايتىندا اقپارات يەسى رەتىندەگى مەملەكەتتىك ورگانداردىڭ قىزمەتى تۋرالى جالپى اقپارات ورنالاستىرىلعان. ونىڭ ىشىندە تومەندەگىدەي اقپاراتتار بار. ۇجىمدىق قۇرىلىم، ولاردىڭ باسشىلارى تۋرالى مالىمەتتەر، رەسمي جاڭالىقتار، مەملەكەتتىك جانە سالالىق باعدارلامالار، كونسەپسيالار، دوكترينالار، اۋماقتاردى دامىتۋ باعدارلامالارى مەن جوسپارلارى، ستراتەگيالىق جوسپارلار مەن باسقا دا كوپتەگەن ماڭىزدى ماسەلەلەر جايلى ماعلۇماتتار.
سونداي-اق، “ازاماتتارعا ارنالعان ۇكىمەت” جانە “ەلەكتروندىق ۇكىمەت” ارقىلى ەلەكتروندىق بايلانىس كومەگىمەن ءبىرقاتار مەملەكەتتىك كومەك كورسەتۋ قىزمەتى بولۋى مۇمكىن سىبايلاس جەمقورلىق كورىنىستەرىنىڭ الدىن الۋعا جانە جەمقورلىق سيپاتىنداعى ىس-ارەكەتتەردىڭ جولىن كەسۋگە جاعداي جاسايدى.
قالا اكىمدىگىنىڭ قۇرىلىمدىق بولىمشەلەرى 92 مەملەكەتتىك قىزمەت تۇرلەرىن كورسەتەدى.
2017 جىلى بارلىعى 71403 مەملەكەتتىك قىزمەت كورسەتىلدى. (2016 جىلى – 81638).
تۇرعىنداردى قاجەتتى مالىمەتتەرمەن قامتاماسىز ەتۋ، مەملەكەتتىك قىزمەت كورسەتۋ جاعدايىنان حاباردار ەتۋ ماقساتىندا “تالدىقورعان”، “ساپا تالدىقورعان”، “تالدىقورعان اقشامى” گازەتتەرىندە جانە قالا اكىمدىگىنىڭ رەسمي سايتتارىندا، جالپى العاندا، 73 ماقالا، حابارلاندىرۋ جانە باسقا دا ماتەريالدار جاريالاندى.
ايتا كەتۋ كەرەك، 2016 جىلعى 01 قاڭتاردا ءبىرقاتار زاڭنامالىق اكتىلەردىڭ كۇشىنە ەنۋىنە بايلانىستى وبلىس ورتالىعىندا قوعامدىق كەڭەستەردى قۇرۋ جونىندەگى ۇيىمداستىرۋ شارالارى قولعا الىنعان.
ماسەلەن، قازاقستان رەسپۋبليكاسىنىڭ 2015 جىلعى 2 قاراشادا قابىلدانعان “قوعامدىق كەڭەستەر تۋرالى” زاڭىنا سايكەس قالا اۋماعىندا “تالدىقورعان قوعامدىق كەڭەسى” قۇرىلعان. بۇل قوعامدىق كەڭەس قۇرامىنىڭ 2/3 بولىگى ازاماتتىق قوعام وكىلدەرىنەن تۇرادى، 1/3 بولىگىن عانا مەملەكەتتىك ورگاندار وكىلدەرى قۇرايدى.
قوعامدىق كەڭەس قىزمەتىنىڭ ماقساتى – قوعامدىق ماڭىزى بار ماسەلەلەر بويىنشا ازاماتتىق قوعامنىڭ پىكىرىن ءبىلدىرۋ. ول ماسەلەلەر: بيۋدجەتتىك باعدارلامالار جوبالارىن، اۋماقتى دامىتۋدىڭ ستراتەگيالىق جوبالارىن، بيۋدجەتتىك باعدارلامالاردىڭ ورىندالۋىن، قارجىلىق كىرىس-شىعىس ماسەلەلەرىن، قايىرىمدىلىق شارالارىنان تۇسكەن قارجىنىڭ پايدالانىلۋىن، تاعى دا كوپتەگەن ماڭىزدى ماسەلەلەردى تالقىلاۋعا قاتىسىپ، پىكىر ءبىلدىرۋ.
اتالعان زاڭ نورمالارىن جۇزەگە اسىرۋدىڭ مەملەكەتتىك شەشىمدەردىڭ جاريالىلىعىن بىلدىرەرى انىق.
بۇل ءىستىڭ تابىستى بولۋىنا قازاقستان رەسپۋبليكاسى كاسىپكەرلەرىنىڭ “اتامەكەن” ۇلتتىق پالاتاسىنىڭ اۋماقتىق قۇرىلىمى – الماتى وبلىستىق كاسىپكەرلەر پالاتاسى ارقىلى زور ىقپال ەتىپ وتىرعانىن ايتا كەتۋدىڭ ۇلكەن ماڭىزى بار. وسى وبلىستىق قۇرىلىم مۇشەلەرى قالا اكىمدىگى جانىندا جۇمىس ىستەيتىن بيۋدجەتتىك، جەر كوميسسيالارىنىڭ، اۋىلشارۋاشىلىعى تاۋارلارىن وندىرۋشىلەرگە سۋبسيديالار بەلگىلەۋ جانە تولەۋ جونىندەگى ۆەدومستۆوارالىق كوميسسيانىڭ قۇرامدارىندا يگى ىستەر اتقارۋدا.
سونىمەن بىرگە، قالالىق اكىم مەن اكىمدىك جانىندا جۇمىس جۇرگىزەتىن ءارتۇرلى ماسەلەلەر جونىندەگى كوميسسيالاردىڭ، جۇمىس توپتارىنىڭ، ت.ب. جۇمىسىنا كوممەرسيالىق ەمەس جانە قوعامدىق بىرلەستىكتەردىڭ قاتىسۋى قامتاماسىز ەتىلۋدە. ولاردىڭ جوعارىدا اتالعان قۇرامدارعا مۇشەلىگى كەمىندە 50% مولشەردە.
قالا اكىمدىگى مەن قالالىق مەملەكەتتىك ورگاندار باسشىلارىنىڭ ازاماتتىق قوعام ينستيتۋتتارىنىڭ، قوعامدىق جانە ۇكىمەتتىك ەمەس ۇيىمداردىڭ وكىلدەرىمەن كەزدەسۋلەرىن جۇيەلى تۇردە ۇيىمداستىرىپ تۇرۋ تاجىريبەگە ەنگىزىلۋدە. ولارمەن بىرلەسە ارەكەت جاساپ، ارىپتەستىك ورناتۋ جونىندە مەموراندۋمدار بەكىتىلگەن.
بۇل سالاداعى جۇمىستا جەكە جانە زاڭدى تۇلعالار وزدەرىنە ءمالىم سىبايلاس جەمقورلىق، مەملەكەتتىك ورگاندار تاراپىنان جاسالعان زاڭسىزدىق ارەكەتتەرى فاكتىلەرى تۋرالى حابارلاي الاتىن “سەنىم تەلەفوندارىنىڭ”، پوشتا جاشىكتەرىنىڭ ماڭىزى زور ەكەنى بەلگىلى. قازىرگى ۋاقىتقا دەيىن ونداي مالىمەتتەر مەن حابارلامالار تۇسكەن جوق.
قالا اكىمدىگى مەملەكەتتىك تىركەۋدەن وتكەن بارلىق نورماتيۆتىك-قۇقىقتىق اكتىلەردىڭ تالاپتارىن ورىنداۋدى باستى نازاردا ۇستاۋدا. ول اكتىلەر ءوز مەرزىمدەرىندە گازەتتەردە جانە قالا اكىمدىگىنىڭ سايتىندا جاريالانىپ تۇرادى. نورماتيۆتىك-قۇقىقتىق اكتىلەردىڭ قالالىق اكىمدىكتىڭ اتالعان جۇمىس سالاسىنا قاتىستى قاۋلىلارى مەن شەشىمدەرىنىڭ ورىندالۋىنا، تۇرعىنداردىڭ ارىز-شاعىمدارىنا تۇراقتى تۇردە مونيتورينگ جۇرگىزىلەدى.
تالدىقورعان قالاسى اكىمىنىڭ جارلىعىمەن (2017 جىل، 15 ناۋرىز، №86) قالا اۋماعىندا سىبايلاس جەمقورلىقتىڭ الدىن الۋ جونىندەگى اقپاراتتىق-ناسيحاتتىق توپ قۇرىلعان. ول توپ قازىرگى ۋاقىتتا بەلسەندى تۇردە جۇمىس جۇرگىزۋدە.
قوسىمشا تۇردە ايتارىمىز: وبلىس ورتالىعىندا تالدىقورعان اكىمىنىڭ شەشىمىمەن “بولاشاققا – پاراسىز. بىرگە!” جوباسىن جۇزەگە اسىرۋ ماقساتىندا سىبايلاس جەمقورلىققا قارسى بەلسەندى توپ قۇرىلعان. قازىرگى ۋاقىتتا بۇل توپ مۇشەلەرى تۇرعىندار اراسىندا سىبايلاس جەمقورلىققا قارسى زاڭنامانى ءتۇسىندىرۋ جۇمىسىمەن اينالىسۋدا.

تالدىقورعان قالاسىنىڭ اكىمى

باعدات قاراسايەۆ