تەل-اۆيۆ ۋنيۆەرستيتەتىنىڭ عالىمدارى كليماتتىڭ جاھاندىق وزگەرۋىنە بولجام جاسادى، ولاردىڭ ايتۋىنشا، بۇل قۇبىلىستار جاز مەزگىلىنىڭ ۇزارۋىنا اكەلىپ سوعۋى مۇمكىن، دەپ جازادى Sputnik قازاقستان.

يزرايل عالىمدارىنىڭ دەرەكتەرىنە سۇيەنسەك، پارنيكتىك گازدار – كليماتتىڭ وزگەرۋىنە اكەپ سوعاتىن نەگىزگى فاكتور، ول ادامنىڭ ىس-ارەكەتىمەن تىعىز بايلانىستى. ساراپشىلار زەرتتەۋلەرىن حالىقارالىق كليماتولوگيا جۋرنالىنا جاريالاپ، دابىل قاعاتىن قورىتىندىلار جاسادى: ادامنىڭ ىس-ارەكەتى وسىنداي قارقىنمەن كليماتقا اسەر ەتەتىن بولسا، عاسىردىڭ ورتاسىنا قاراي جاز مەزگىلى تورتتەن ءبىر بولىككە، ال عاسىردىڭ سوڭىندا ەكى ايعا دەيىن ۇزارادى.

يزرايل، مىسىر، ليۆان جانە تۇركيا سياقتى ەلدەردە قۇرعاق ءارى اپتاپ كەزەڭ جارتى جىلعا دەيىن سوزىلىپ، ال جاڭبىرلى ماۋسىم ەكى ايعا دەيىن قىسقارادى. بۇل وزگەرىستەر ءوڭىردىڭ تىرشىلىگىنە ايتارلىقتاي ىقپالىن تيگىزۋى مۇمكىن: سۋ رەسۋرستارىنىڭ ساپاسى تومەندەپ، ماۋسىمدىق اۋرۋلاردىڭ مەرزىمى مەن جيىلىگى وزگەرۋى ىقتيمال. كليماتتىڭ اۋىسۋىنا دايىندالعان ءجون، دەپ سانايدى عالىمدار، سەبەبى جىلىنۋدىڭ الدىن الۋ مۇمكىن ەمەس كورىنەدى.