استانادا ۇلتتىق گۆارديا ساربازدارى سۋيسيد جاساماقشى بولعان ەر ادامدى قۇتقارىپ قالدى دەپ حابارلايدى Qamshy.kz اقپارات اگەنتتىگى ق ر ۇلتتىق گۆارديا باسپا ءسوز قىزمەتىنە سىلتەمە بەرىپ.
وقيعا 18 ناۋرىزدا بولعان. كەنەسارى كوشەسىندە كوپقاباتتى تۇرىن ءۇيدىڭ شاتىرىنىڭ ۇستىندە وتىرعان ەر ادامدى بايقاعان ۇلتتىق گۆارديا ساربازدارى وعان كومەككە كەلگەن.
ەر ادامنىڭ سول قولىندا قاننىڭ ىزدەرى بار ەكەنى انىقتالعان. ءۇي شاتىرىنان سەكىرمەي تۇرىپ، ول تامىرىن كەسپەكشى بولعان كورىنەدى. اسكەر جەدەل جاردەم قىزەتىن شاقىرعان.
تۇرعىن ۇيدەگى ادامداردىڭ ايتۋىنا قاراعاندا، جاقىندا ەر ادام سۇيىكتىسىمەن ارازداسىپ قالعان. ماس كۇيدە تاتۋلاسپاقشى بولعاننان كەيىن، قىز وعان كونبەسە كەرەك. كەيىننەن ول قىزدى وزىنە قول جۇمسايمىن دەپ قورقىتقان.
ۇلتتىق گۆارديا اسكەرى ەر ادامدى ونىڭ قارسىلاسۋىنا قاراماستان، قۇتقارىپ قالا العان.
پىكىر قالدىرۋ