اۋا تەمپەراتۋراسىنىڭ جوعارىلاۋى سەبەبىنەن تج جاريالانۋ ءقاۋپى بولعاندىقتان، شىعىس قازاقستاننىڭ شەمونايحا جانە كاتونقاراعاي اۋداندارىندا دا جەرگىلىكتى ماڭىزداعى توتەنشە جاعداي جاريالانۋى مۇمكىن، دەپ حابارلايدى Qamshy.kz اقپارات اگەنتتىگى.

وبلىستىق توتەنشە جاعدايلار دەپارتامەنتىنىڭ حابارلاۋىنشا، ەكى اۋداندا دا «جوعارى دايىندىق» رەجىمى جاريالانعان. ياعني، بارلىق ازاماتتىق قورعانىس قۇرىلىمدارى تاسقىن ءقاۋپى سەيىلگەنشە كۇشەيتىلگەن رەجىمدە جۇمىس ىستەيتىن بولادى. كاتونقاراعاي اۋدانىندا 10 ءۇي مەن 35 اۋلاعا سۋ جايىلعان. 

 سۋ باسقان ۇيلەردەن 44 ادام ءقاۋىپسىز جەرگە كوشىرىلىپ، تۋىسقاندارى مەن جاتاقحاناعا ورنالاستىرىلدى. اپات ورنىندا جەرگىلىكتى اتقارۋشى ورگانداردىڭ 58 قىزمەتكەرى مەن №36 ءورت ءسوندىرۋ ءبولىمىنىڭ 18 ساربازى جۇمىس ىستەۋدە. ولار ۇيلەرگە اققان سۋدىڭ جولىن قۇمقاپپەن بوگەۋدە.

قازىرگى ۋاقىتتا سۋ باسقان ۋچاسكەلەردىڭ جاعدايىن باقىلايتىن جۇمىس توبى دا قۇرىلعان. «شەمونايحا اۋدانىنىڭ ۆەرح-ۋبا اۋىلىندا دا قارعىن سۋمەن كۇرەس ءجۇرىپ جاتىر. مۇندا 68 ءۇيدىڭ اۋلاسىنا سۋ كىرىپ، 1 ەرەسەك ادام مەن 3 بالا اۋىل مەكتەبىنە ورنالاستىرىلدى. جەرگىلىكتى اتقارۋشى ورگان وكىلدەرى مەن ءورت سوندىرۋشىلەر اۋلالارعا جايىلعان سۋدى سورعىتۋدا» - دەلىنگەن توتەنشە جاعدايلار دەپارتامەنتى حابارلاماسىندا.

ەسكە سالساق، وبلىستاعى گلۋبوكوە اۋدانىندا تابيعي سيپاتتاعى توتەنشە جاعداي جاريالانعان بولاتىن.