2018 جىلدىڭ 1 ناۋرىزدا قازاقستان زاڭگەرلەر وداعى مۇشەلەرىمەن ەنەرگەتيك اۋىلدىق وكرۋگى اكىمدىگىمەن بىرلەسىپ، قوعامدىق ۇيىم وكىلدەرىنىڭ، نوتاريۋستار مەن ادۆوكاتتاردىڭ قاتىسۋىمەن «العىس ايتۋ كۇنى» وتكىزىلدى.
بۇل ايتۋلى كۇن 2016 جىلدان باستاپ قازاق جەرىندە تويلانۋدا. ماسەلەن، وسى جىلى 20 اقپاننان باستاپ وبلىس اۋماعىندا دەكادا جاريالاندى. جىل سايىنعى ءداستۇر بويىنشا بارلىق اۋداندار مەن قالالاردا «قايىرىمدى ەل» جالپى رەسپۋبليكالىق اكسياسىنىڭ اياسىندا 527 قايىرىمدىلىق شارالارى ۇيىمداستىرىلدى. وندا 2433 ادامعا جالپى 24 689 000 تەڭگە كولەمىندە الەۋمەتتىك كومەك كورسەتىلدى.
العىس ايتۋ كۇنى – ءار ەتنوس وكىلدەرىنىڭ قاسيەتتى قازاق جەرى مەن قوناقجاي حالقىمىزعا تەرەڭ تاعزىمىنىڭ بەلگىسى، تاعدىر توعىستىرعان قازاقستاننىڭ كوپەتنوستى حالقىنىڭ ورتاق تاريحىن قۇرمەتتەۋ كۇنى.
ءىس-شارانىڭ ماقساتى - مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا ءتۇسىندىرۋ جۇمىستارىن جۇرگىزۋ.
سونىمەن قاتار، جالپى رەسپۋبليكالىق “قارتتارىم-قازىنام” قايىرىمدىلىق كونسەرتى، “تاتۋ كورشىلەر” اكسياسىنىڭ اياسىندا “قايىرىمدى كورشىگە راحمەت” شاراسى، “مەدياسيا ورتالىعىنىڭ” اشىق ەسىك كۇندەرى، ءبىلىم بەرۋ مەكەمەلەرىندە سىنىپ ساعاتتارى، اشىق ساباقتار، ەسسەلەر، سۋرەتشىلەر بايقاۋى، دەنساۋلىق ساقتاۋ مەكەمەلەرىنىڭ “سالاۋاتتى ەل – بولاشاق نەگىزى” اشىق ەسىك كۇنى، ەتنومادەني بىرلەستىكتەردىڭ جاستارىنىڭ اعا بۋىن وكىلدەرىمەن “العىس ارقالاعان جاندار” تاقىرىبىندا كەزدەسۋلەر ءوتىپ جاتىر.
ءىس-شارا بارىسىندا كۇردەلى زاماندا قىسقا مەرزىم ىشىندە ەلباسىنىڭ باسشىلىعىمەن تاۋەلسىز قازاقستاندى قۇرۋ جولىندا ايانباي تەر توككەن ەلىمىزدىڭ بارلىق ازاماتتارىنا قۇرمەت ايتىلدى، اتالعان مەرەكە قازاقستاندىق بىرلىك پەن بىرەگەيلىكتىڭ، قوعامدىق كەلىسىمنىڭ، بىرىكتىرۋشى جالپىۇلتتىق تاريحي سانانىڭ نىعايۋىنا ىقپال ەتەتىنى ءسوزسىز.
«حالقىمىز قاشان دا «ىرىس الدى – ىنتىماق» دەپ باسا ايتقان. قازاقستان حالقى اسسامبلەياسى ۇيىمداستىرعان بارلىق دەڭگەيدەگى شارالارعا ءاردايىم اقپاراتتىق قولداۋ تانىتىپ جۇرگەن سىزدەرگە دە العىس ايتا وتىرىپ، ەڭبەكتەرىڭىزگە جەمىس، زور دەنساۋلىق تىلەيمىن. ون كۇندىكتە وتكىزىلگەن ءاربىر جاعىمدى جاڭالىقتى، تاعىلىمدى شارانى جەتىسۋ جۇرتشىلىعىنا جەتكىزگەندەرىڭىز ءۇشىن راحمەت»، – دەپ الماتى وبلىستىق قازاقستان حالقى اسسامبلەياسى جانىنداعى قوعامدىق كەلىسىم كەڭەسىنىڭ ءتوراعاسى جاقيانوۆ ورالبەك كونفەرەنسيانى قورىتىندىلادى.
دەپورتاسيا باستالعان قيىن-قىستاۋ كەزەڭدە ءبىزدىڭ اتا-اپالارىمىز وزگە ەتنوس وكىلدەرىن باۋىرىنا باسىپ، قامقور قۇشاعىنا الدى. ۇيلەرىنەن ورىن بەرىپ، ءبىر ءۇزىم نانى مەن جارتى قۇرتىن ءبولىسىپ جەدى. وسىلايشا، كەڭپەيىلدىگى مەن دارحاندىعىن تانىتتى. كەلگەن اعايىندار دا قول قۋسىرىپ قاراپ وتىرمادى. قولىنا كۇرەك پەن كەتپەن الىپ، ەگىنشىلىكپەن اينالىستى.
العىس ايتۋ كۇنى – تاعدىر توعىستىرعان قازاقستاننىڭ كوپ ەتنوستى حالقىنىڭ ورتاق تاريحىن قۇرمەتتەۋ كۇنى دەسەك تە ارتىق ەمەس. ءبىرتۇتاس ازاماتتىق قاعيداتتارىنا نەگىزدەلگەن قازاقستاندىق قوعامدى دامىتۋ ارقىلى ەل بىرلىگىن نىعايتۋدىڭ جارقىن ۇلگىسى. العىس ايتۋ دەگەنىمىز – قايىرىمدىلىق داستۇرلەرىن، الەۋمەتتىك ىنتىماقتى جانە ءوزارا كومەك كورسەتۋدى قولداۋ كۇنى.
العىس ايتۋ كۇنى – ەلباسىنىڭ بەيبىتشىلىك پەن كەلىسىم ساياساتىنىڭ سالتانات قۇرعان كۇنى.
بۇل مەرەكە قازاق حالقىنىڭ كەڭپەيىل، جومارت، قوناقجاي، مەيىرىمدى جانە ىنتىماقشىل ادەت-عۇرپىنان باستاۋ الاتىن تاريحي داستۇرلەرىنە نەگىزدەلگەن.
ايتا كەتسەك، قازاقستان رەسپۋبليكاسىنىڭ پرەزيدەنتى ن.ءا.نازاربايەۆ 2016 جىلعى 14 قاڭتاردا قازاقستان حالقى اسسامبلەياسىنىڭ قۇرىلعان كۇنى – 1 ناۋرىزدى قازاقستاندا العىس ايتۋ كۇنى دەپ جاريالاۋ تۋرالى №173 جارلىققا قول قويعان بولاتىن.
