شقو اكىمى دانيال احمەتوۆ شەمونايحا اۋدانىنداعى سۋ تاسقىنىن ءوز كوزىمەن كورگەن.
«مۇنىڭ ءبارى مەنىڭ كوز الدىمدا بولدى. گلۋبوكوۆسكيي اۋدانىنان سوڭ شەمونايحا اۋدانىنا باردىم. 06.30-دان 09.15-كە دەيىن جاڭبىر سۋى ۋبا وزەنىنەن استى. وزەن سۋى 1،5 – 2 مەترگە دەيىن جەتتى. 42 ءۇي سۋ استىندا قالدى»، - دەدى اكىم اۋداندىق وكق بريفينگى بارىسىندا.
ونىڭ ايتۋىنشا، الدىن-الا جارىلىس جۇمىستارىنىڭ ارقاسىندا ارناسىنان اسقان وزەن سۋى ءبىر ساعات كولەمىندە قايتتى.
«سۋ استىندا قالعان ۇيلەردىڭ كوبى وزەن جاعاسىندا ورنالاسقان. اۋدان اكىمدىگى جۇمىس ىستەدى، ادامدارعا ەسكەرتىلدى، تاڭعى ۋاقىت بولعانىنا قاراماستان، ءبارىن ۇيلەرىنەن شىعارىپ الدى. قازىرگى تاڭدا سوڭعى جارىلىس جۇمىستارىن جۇرگىزىپ جاتىرمىز، شەمونايحا قالاسىنا ەشقانداي ءقاۋىپ تونبەيدى»، - دەدى دانيال احمەتوۆ.
