قازاقستان رەسپۋبليكاسى ۇكىمەتىنىڭ قاۋلىسىمەن جاڭادان قۇرىلعان «بايقوڭىر» اۋدانىن ەسەپكە الا وتىرىپ، ەلورداداعى ءتورت اۋداننىڭ شەكارالارى بەكىتىلدى، دەپ حابارلايدى Qamshy.kz اقپارات اگەنتتىگى حاا «ادىلەت» اقپاراتتىق-قۇقىقتىق جۇيەسىنە سىلتەمە جاساپ.
قازاقستان رەسپۋبليكاسى ۇكىمەتىنىڭ 2018 جىلعى 16 ناۋرىزداعى № 131 قاۋلىسىمەن استانا قالاسىنداعى ءتورت اۋداننىڭ شەكارالارى بەلگىلەندى. بۇل قۇجات العاشقى رەسمي جاريالانعان كۇننەن باستاپ كۇشىنە ەنەدى. ق ر ۇكىمەتىنىڭ قاۋلىسىنا سايكەس «الماتى» اۋدانىنىڭ شەكاراسى 15،471 گەكتاردى، «ەسىل» اۋدانى 39،358 گەكتاردى، «سارىارقا» اۋدانى 6775 گەكتاردى جانە «بايقوڭىر» اۋدانىنىڭ شەكاراسى 18،129 گەكتاردى قۇرايدى.
