ق ر مادەنيەت جانە سپورت ءمينيسترى ارىستانبەك مۇحامەدي ۇلى جەڭىل ءجۇرىستى قىزداردى قامشىمەن ساباعان بەلگىلى رەپەر جان احمادييەۆتىڭ بەينەكليپىنە قاتىستى تۇسىنىكتەمە بەردى، دەپ حابارلايدى Qamshy.kz اقپارات اگەنتتىگى Sputnik قازاقستانعا سىلتەمە جاساي وتىرىپ.

"ەگەر ءبىز بارلىق جاعدايدى جاساعاندا، ول قىزدار كوشەدە تۇرمايتىن ەدى. ءبىز، كەرىسىنشە، ولاردىڭ ءوز ماماندىقتارىمەن اينالىسۋىنا كومەكتەسۋىمىز كەرەك. مۇنداي جاعدايدىڭ كوپشىلىككە تاراعانى وكىنىشتى-اق ارينە. مۇمكىن ول (رەپەر – اۆتور ەسكەرپ.) ءوزىنىڭ اتىن شىعارعىسى كەلگەن شىعار. ونىڭ ورنىنا سول قىزدارعا جاقسى جۇمىس تاۋىپ بەرسىن، جاعداي جاساسىن"، — دەپ كەڭەس بەردى مينيستر "جاس وتان" جاستار قاناتىنىڭ IV سەزىنەن كەيىن. 

مۇحامەدي ۇلى رەپەردى جازالاۋ-جازالاماۋ قۇقىق قورعاۋ ورگاندارىنىڭ قۇزىرەتىندەگى ماسەلە ەكەنىن اتاپ ءوتتى. 

"مەن ازامات رەتىندە مۇلدە قولدامايمىن"، — دەدى مينيستر. 

ەسكە سالىپ وتسەك، "قازاقپىز عوي" YouTube-ارناسىندا "جەزوكشەلەردى قامشىمەن قۋىپ جۇرگەن" رەپەردىڭ ۆيدەوسى جاريالاندى. بەينەجازبادا جان احمادييەۆ قالانى ارالاپ ءجۇرىپ، جولدىڭ شەتىندە تۇرعان جەزوكشەلەرمەن سويلەسەدى. اڭگىمە بارىسىندا ول كەنەتتەن قامشى الىپ شىعىپ، قىزداردىڭ ءبىرىن ساباي باستايدى.