قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى ازاماتتىق قوعام ىستەرى كوميتەتى ءتوراعاسىنىڭ جاڭا ورىنباسارى بولىپ  باقىتجان نارىمبەتوۆ تاعايىندالدى.

نارىمبەتوۆ باقىتجان حابەر ۇلى 1986 جىلى 4 تامىزدا دۇنيەگە كەلگەن. 2007 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىن ءتامامداعان. 2012 جىلى قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ مەملەكەتتىك ساياسات ۇلتتىق مەكتەبىن بىتىرگەن. الەۋمەتتانۋ عىلىمىنىڭ ماگيسترى.

2007 جىلدان باستاپ ۇكىمەتتىك ەمەس ۇيىمداردا قىزمەت ەتكەن.

2013-2014 جىلدارى ورال قالاسى اكىمى اپپاراتىنىڭ باس ينسپەكتورى، اقپاراتتىق-تالداۋ جۇمىستارى ءبولىمىنىڭ باسشىسى بولىپ جۇمىس ىستەگەن.

2014 جىلدىڭ قاراشاسىنان 2016 جىلدىڭ ساۋىرىنە دەيىن – ورال قالالىق ىشكى ساياسات ءبولىمىنىڭ باسشىسى.

بۇدان كەيىن باتىس قازاقستان وبلىسى اكىمى اپپاراتىنىڭ ۇيىمداستىرۋ-ينسپەكتورلىق جۇمىستار ءبولىمىنىڭ باس ينسپەكتورى، ستراتەگيالىق دامۋ ءبولىمىنىڭ باسشىسى بولدى.       

2017 جىلدىڭ قاڭتار ايىنان 2018 جىلدىڭ ناۋرىزىنا دەيىن - باتىس قازاقستان وبلىسى ىشكى ساياسات باسقارماسىنىڭ باسشىسى لاۋازىمىن اتقاردى.

2018 جىلعى 28 ناۋرىزدا قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام كوميتەتى ءتوراعاسىنىڭ ورىنباسارى بولىپ تاعايىندالدى.