ە. بۋكەتوۆ اتىنداعى قاراعاندى مەملەكەتتىك ۋنيۆەرسيتەتى بازاسىندا جۋرناليستيكا ماماندىعى بويىنشا ح رەسپۋبليكالىق پاندىك وليمپياداسى باستالدى دەپ حابارلايدى Qamshy.kz اقپارات اگەنتتىگى.
وليمپيادانىڭ اشىلۋ سالتاناتى ف.ع.د. پروفەسسور اسانوۆتىڭ كىرىسپە سوزىمەن باستالدى. جالپى ءبىلىم بايگەسىنە رەسپۋبليكا بويىنشا جوعارى وقۋ ورنىنان 16 كوماندا ب ا ق سىناسۋدا. كوماندالار سايىس بارىسىندا وزدەرىن تولىقتاي تانىستىرىپ، «تەلەديدار جانە ءداۋىر» اتتى تاقىرىپتا بەينەسيۋجەتتەرىن ۇسىندى. سايىستىڭ ەكىنشى كەزەڭىندە «قازاق تەليەۆيزياسىنا 60 جىل» تاقىرىبى اياسىندا وي جۇيرىكتەرى مەن ءسوز دۇلدىلدەرىن انىقتاۋ ماقساتىندا وي-تولعاۋلارىن قاعاز بەتىنە ءتۇسىردى. ال بۇگىن بايقاۋعا قاتىسۋشىلار بىلىكتىلىك پەن بىلىمدىلىكتىگىن شىڭداپ تەست تاپسىرىپ، جۋرناليست ءۇشىن شاپشاڭدىق پەن جىلدامدىقتى تالاپ ەتەتىن «جەدەل اقپارات» بولىمىنە ءوتتى. ءۇمىت پەن قورقىنىش، تولقۋ مەن تولقىنىسقا ۇشتاسقان سايىس قورىتىندىسى ءادىل بولاتىنىنا سەنىم مول.
