شىمكەنتتە بالمۇزداقتان 23 ادام ۋلاندى. قالالىق جۇقپالى اۋرۋلار اۋرۋحاناسىنا سوڭعى ەكى تاۋلىكتە 23 ادام اتالعان دياگنوزبەن شاعىمدانىپ، ستاسيونارلىق ەم قابىلداپ جاتىر. 28 ناۋرىز كۇنى 3 ادام، 29 ناۋرىز كۇنى 20 ادام شاعىمدانعان. بۇل جايىندا وتىرار جاڭالىقتارى جازدى.
بالمۇزداقتان ۋلانعانداردىڭ جاس شامالارى 5 پەن 18 جاس اراسى. ۋلانعانداردىڭ تورتەۋى جانساقتاۋ بولىمىندە جاتىر. ولار 5-6 جاستاعى ەكى ءبۇلدىرشىن مەن 17-18 جاس شاماسىنداعى ەكى ءجاسوسپىرىم.
بارلىعىنىڭ دياگنوزى — وتكىر ىشەك ينفەكسياسى. اتا - انالاردىڭ سوزىنە قاراعاندا بالمۇزداق ساتاتىن دۇڭگىرشەك «موروجەنوە يۋجنوە» دەپ اتالادى. «قيال الەمى» ساياباعىنىڭ ماڭىندا ورنالاسقان. كەيبىر مالىمەتتەرگە سايكەس، بۇل دۇڭگىرشەك بۇگىندە جابىق تۇر.
پىكىر قالدىرۋ