ديماش قۇدايبەرگەن بەلارۋستە وتەتىن «سلاۆيان بازارى» بايقاۋىنىڭ قازىلار القاسى قۇرامىنا ەندى، دەپ حابارلادى Qamshy.kz اقپارات اگەنتتىگى.
بۇل تۋرالى ءانشى Instagram جەلىسىندەگى پاراقشاسىندا مالىمدەدى.
«بۇل بايقاۋدىڭ مەنىڭ ومىرىمدە الاتىن ورنى ەرەكشە. قازاقستان مەن شەتەلدىڭ حالىقارالىق بايقاۋلارىندا جەڭىسكە جەتىپ، ءتۇرلى كونسەرتىندە، تۆ جوباسىندا ونەر كورسەتكەن سوڭ "سلاۆيان بازارى" بايقاۋىنان جەڭىسكە جەتكەننەن كەيىن ءدال وسى بەلارۋس ەلىندە ءوزىمدى بەلگىلى ءارتىس رەتىندە سەزىندىم. مەن بۇل بايقاۋدى جانە ءبىر كەزدەرى ۇلكەن ەستراداعا شىعىپ ءوز ەلىمنىڭ مادەنيەتىن تانىستىرۋىما مۇمكىندىك بەرگەن وسىنداۋ تاڭعاجايىپ ەلدى قاتتى جاقسى كورەمىن. وسى جىلى "سلاۆيان بازارىندا" قوناق رەتىندە ونەر كورسەتەمىن جانە قازىلار القاسىنىڭ مۇشەسى بولامىن. كەزدەسكەنشە، بەلارۋس! شىلدەدە كورىسەمىز»، – دەدى ديماش.
ەستەرىڭىزگە سالا كەتەيىك، ديماش قۇدايبەرگەن «سلاۆيان بازارى – 2015» بايقاۋىندا جەڭىسكە جەتكەن. ال 2017 جىلى قىتايدا وتكەن I am a singer بايقاۋىنا قاتىسىپ، الەمگە تانىلعان.
پىكىر قالدىرۋ