شىمكەنتتە بالمۇزداقتان ۋلانىپ، جاعدايى ناشارلاعان ناۋقاستار جانساقتاۋ بولىمىنەن پالاتاعا اۋىستىرىلدى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتتى، دەپ حابارلايدى  Qamshy.kz اقپارات اگەنتتىگى.

باسقارمانىڭ مالىمەتىنشە، قالالىق جۇقپالى اۋرۋلار اۋرۋحاناسىنىڭ جانساقتاۋ بولىمىندە جاتقان ءتورت ناۋقاس قالىپتى جاعدايعا تۇسكەن.  ءبىر ەرەسەك تۇرعىن مەن جۇكتى ايەل جانە ەكى ءجاسوسپىرىم ءقازىر بولىمشەلەرگە اۋىستىرىلعان. سونداي-اق التى ناۋقاستىڭ دەنساۋلىعى جاقسارعان سوڭ، اۋرۋحانادان شىعارىلدى. سالا ماماندارىنىڭ سوزىنشە، كەشەدەن بەرى اۋرۋحاناعا بالمۇزداقتان ءىشى اۋىرىپ تۇسكەن  ءالى دە ءتۇسىرىپ جاتقاندار بار. اۋرۋحاناعا جاتقىزىلعان ناۋقاستاردىڭ سانى 50-دەن اسقان. سونىمەن قاتار بالمۇزداق جەپ اۋىرعانداردىڭ ءبىرقاتارى اۋدان-اۋىلدارعا تاراپ كەتكەن. ولاردىڭ دا ناقتى سانى مەن اۋرۋ بەلگىلەرى ءقازىر انىقتالۋ ۇستىندە ەكەن.