پاۆلودارداعى «ءماشھۇر ءجۇسىپ» ورتالىق مەشىتىنەن اياگوزدەگى اپاتتان زارداپ شەگۋشىلەرگە كومەك رەتىندە «ەرتىس-پاۆلودار جاردەمى» قايىرىمدىلىق كەرۋەنى جىبەرىلدى، دەپ حابارلايدى Qamshy.kz اقپارات اگەنتتىگى pavlodarnews.kz سايتىنا سىلتەمە جاساي وتىرىپ.
اكسيا اياسىندا پاۆلودار وبلىسىنا قاراستى قالا، اۋدان، اۋىل مەشىتتەرى ارقىلى 30 توننادان استام ازىق-تۇلىك پەن كيىم-كەشەك جينالعان.
«ناۋرىز ايىنىڭ باسىندا اياگوزدەگى الاپات سۋ تاسقىنى بولعان كۇننىڭ ەرتەڭىندە قمدب-دان ەلىمىزدەگى بارلىق مەشىتكە اپاتقا ۇشىراعان اعايىنعا بارىنشا قايىر قىلۋ تۋرالى تاپسىرما بەرىلگەن ەدى، — دەپ اتاپ ءوتتى باسپا ءسوز قىزمەتى. – قمدب پاۆلودار وبلىسى وكىلدىگى وسى تاپسىرماعا سايكەس، ءارى مۇسىلماندىق جانە ادامگەرشىلىك پارىزى رەتىندە تاسقىننان زارداپ شەككەندەرگە كومەك كورسەتۋ ماقساتىندا «ەرتىس-پاۆلودار جاردەمى» اتتى قايىرىمدىلىق اكسياسىن ۇيىمداستىرعان بولاتىن. اكسيا اياسىندا پاۆلودار وبلىسىنا قاراستى قالا، اۋدان، اۋىل مەشىتتەرى ارقىلى 30 توننادان استام ازىق-تۇلىك پەن كيىم-كەشەك جينالعان»، دەپ جازادى جەرگىلىكتى مەشىتتىڭ باسپا ءسوز قىزمەتى.
30 ناۋرىز، قاسيەتتى جۇما كۇنى قايىرىمدىلىق كەرۋەنىن «ءماشھۇر ءجۇسىپ» ورتالىق مەشىتىنىڭ باس يمامى جولداس بەردىمۇراتوۆ باتا بەرىپ، جولعا شىعارىپ سالدى.
