بۇگىن، 31 ناۋرىز كۇنى «Qazaqstan» ۇلتتىق ارناسىندا «Q-pop idols» (Qazaq pop idols) رەاليتي-شوۋىنىڭ تۇساۋكەسەرى بولادى. اتالمىش جوبا مۋزىكالىق تەلەبايقاۋ فورماتىندا وتەدى. جوبانىڭ جەتەكشىسى تانىمال پروديۋسەر ءارى مۋزىكانت ەربولات بەدەلحان، دەپ حابارلايدى Qamshy.kz اقپارات اگەنتتىگى.

«جوبانىڭ ماقساتى - زاماناۋي مۋزىكا ارقىلى جاستار اراسىندا قازاق ءتىلىن ناسيحاتتاۋ. جوبانىڭ تالابى بويىنشا قاتىسۋشىلار ۆوكالمەن قوسا بي شەبەرلىگىن ورتاعا سالىپ، قازىرگى زامانعى مۋزىكانىڭ ەرەكشەلىكتەرىنەن حاباردار بولۋى كەرەك.

اتاپ ايتقاندا، جان-جاقتى بولىپ، ولەڭ، مۋزىكا جازا الاتىن دارىندى ۇمىتكەرلەر ب ا ق سىناسادى» دەلىنگەن باسپا ءسوز بايانىندا. سونىمەن قاتار، «Q-pop idols» جوباسىنىڭ جەڭىمپازدارى، جاڭا  «Juz'I'm» اتتى قىزدار توبىنىڭ قۇرامىنا ەنەتىن بولادى. ايتا كەتەيىك، وسى جوباعا ءوتۋ ءۇشىن كاستينگكە ەلىمىزدەن باسقا، رەسەي جانە قىتايدان 800-دەن استام جاس دارىندى قىزدار قاتىسىپ، ءوز ونەرلەرىن كورسەتتى. «Q-pop idols» رەاليتي-شوۋىن 31 ناۋرىزدان باستاپ،  «Qazaqstan» ۇلتتىق تەلەارناسىنان ءار سەنبى سايىن كورسەتىلەدى.