بۇگىن اپپاراتتىق كەڭەستە ەلوردا اكىمى قالانى اباتتاندىرۋ جانە سانيتارلىق تازالاۋ جونىندە تاپسىرما بەردى. بۇل تۋرالى Qamshy.kz اقپارات اگەنتتىگى استانا قالاسى اكىمىنىڭ باسپا ءسوز قىزمەتىنە سىلتەمە جاساپ حابارلايدى.
«ءقازىر ماۋسىمارالىق كەزەڭدە، ءبارى دە ەرىپ جاتقاندا، بارلىق كوممۋنالدىق قىزمەتتەر مەن بارلىق مەردىگەرلەر قالانى بارىنشا تازا ۇستاۋى قاجەت»، - دەدى اكىم.
اسەت يسەكەشيەۆ اۋدان اكىمدىكتەرى مەن وكىلەتتى ۆەدومستۆولاردىڭ جەتەكشىلەرىنە بۇل باعىتتاعى جۇمىستاردى كۇشەيتىپ، قۇرىلىس نىساندارىنىڭ قورشاۋىنا، بەلگىلەنبەگەن ورىندارداعى قوقىس توگۋگە، باتپاقتى شىعارۋعا، بەلگىلەنبەگەن جەردە ساۋدا ورىندارى مەن مەتالل قابىلدايتىن پۋنكتتەردى ۇيىمداستىرۋعا قاتىستى ولقىلىقتاردى جويۋدى تاپسىردى.
سونداي-اق، كەڭەس بارىسىندا اسەت يسەكەشيەۆ «استانا – تازا جانە ءقاۋىپسىز قالا» ايلىعىنىڭ باستالعانىن مالىمدەدى.
جالپىقالالىق سەنبىلىكتى ەلوردادا ءساۋىر ايىنىڭ سوڭىندا وتكىزۋ جوسپارلانۋدا.
پىكىر قالدىرۋ