سەمەي قالاسى قوعامداستىق وكىلدەرى مەن ارداگەرلەر كەڭەسىنىڭ ۇندەۋى

ارداقتى اعايىن، قۇرمەتتى قازاقستاندىقتار، ءقادىرلى جەرلەستەر!

وزدەرىڭىزگە ءمالىم، «ەرتىس» وزەنىنىڭ ارناسىنان اسۋىنا بايلانىستى سەمەي قالاسىنىڭ ءبىرقاتار اۋداندارىن سۋ باستى. قازىرگى تاڭدا 280-نەن استام ءۇيدى، 500-دەن استام ءۇي اۋماقتارى جانە 400-دەن استام ساياجاي اۋماقتارى سۋ استىندا قالىپ وتىر. ەڭ باستىسى، ادام شىعىنى ورىن العان جوق. قالادا توتەنشە جاعداي جاريالاندى. ارنايى كوميسسيا قۇرىلىپ، جۇمىس جاساۋدا. سۋ باسقان ايماقتاردىڭ حالقى ءۇيسىز قالىپ وتىر. ولاردىڭ ىشىندە بالالار، قاريالار، جاعدايى تومەن وتباسىلار مەن مۇمكىندىگى شەكتەۋلى جاندار دا بار. بارلىعى دا ارنايى ورىندارعا كوشىرىلگەن.

«جۇمىلا كوتەرگەن جۇك جەڭىل» دەمەكشى، حالقىمىز قاي زاماندا دا قابىرعاسى قايىسپاي قيىندىق پەن اۋىرتپاشىلىقتى بىرگە جەڭە بىلگەن. قولداۋدى  قاجەت ەتەتىن جاندارعا قول ۇشىن بەرۋ ارقىلى ادام بالاسى جاقسىلىققا قادام باستايدى. قايىرىمدىلىق – حالقىمىزدىڭ ەڭ ىزگى قاسيەتتەرىنىڭ ءبىرى. سوندىقتان قيىن جاعدايعا ۇشىراعان جەرلەستەرىمىزدى جان-جاقتى قولداپ، ىنتىماعى بەرىك، بىرلىگى جاراسقان ەل ەكەنىمىزدى كورسەتىپ، قولداۋ كورسەتەيىك.

«ءوزىن عانا ويلاعان –

جاماندىقتىڭ بەلگىسى.

وزگەنى دە ويلاعان –

ادامدىقتىڭ بەلگىسى»، – دەگەندەي، مۇمكىندىگىنشە وتانداستارىمىزعا قولداۋ جاساپ، زارداپ شەككەندەرگە ماتەريالدىق جانە مورالدىق كومەك بەرىپ، ءوز ۇلەستەرىڭىزدى قوسامىز دەسەڭىزدەر، ارنايى ەسەپشوت اشىق.

ارداقتى اعايىن! بارلىعىڭىزدى وسىناۋ يگىلىكتى ىستەن قالىس قالماي، ءوز ازاماتتىق ۇستانىمدارىڭىزدى ءبىلدىرىپ، بارىنشا قولداۋ كورسەتۋگە شاقىرامىز.

شوتتىڭ رەكۆيزيتتەرى: نپو «اسىل»

بين: 051240009478

ەسەپ شوت: KZ699650000031221610

AO «Forte Bank»