2018 جىلدىڭ 28 ناۋرىزىندا تەگەران قالاسىندا (يران يسلام رەسپۋبليكاسى) قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆيسە-مينيسترى يسايەۆا گ.س. باسشىلىق ەتكەن دەلەگاسيانىڭ يران ۆەتەرينارلىق ۇيىمىمەن اۋىل شارۋاشىلىعى ونىمدەرىن ءوزارا جەتكىزۋ ماسەلەلەرى بويىنشا ەكىجاقتى كەزدەسۋى ءوتتى، دەپ جازادى Qamshy.kz اقپارات اگەنتتىگى ق ر اشم باسپا ءسوز قىزمەتىنە سىلتەمە جاساي وتىرىپ.

وسى كەزدەسۋ ەكى ەلدىڭ اۋىل شارۋاشىلىعى ونىمدەرىن وندىرۋشىلەر مەن قايتا وڭدەۋشىلەرى اراسىنداعى ءوزارا قىزىعۋشىلىعىنا بايلانىستى ۆەتەرينارلىق ۇيىمداردىڭ الدىن الا جۇمىستارىنىڭ ناتيجەسى بولىپ تابىلادى.

كەلىسسوز ناتيجەسى بويىنشا ەكسپورتتىڭ ۆەتەرينارلىق تالاپتارى كەلىسىلدى. قازاقستان رەسپۋبليكاسىندا وندىرىلگەن قۇس جۇمىرتقاسى يرانگا تەك يران يسلام رەسپۋبليكاسىنىڭ تاللاپتارىنا ساي بەلگىلەنگەن (ءار جۇمىرتقادا وندىرىلگەن كۇنى، ورالعان كۇنى، جارامدىلىق مەرزىمى، ءوندىرۋشى كورسەتىلەدى) جاعدايدا عانا جەتكىزىلەتىن بولادى.

مالدى ارنايى بورداقىلاۋ ارقىلى الىنعان قازاقستاندىق مال ەتى حالىقارالىق تالاپتارعا سايكەس 5-6 كۇن بويى ساقتالاتىن بولادى، بۇل ءوز كەزەگىندە يران نارىعىندا سۇرانىسقا يە بولۋعا اكەلەدى.

ەكسپورتتىق تاسىمالدى اعىمداعى جىلدىڭ ساۋىرىنەن باستاۋ جوسپارلانىپ وتىر.