قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى قازاقستان رەسپۋبليكاسى ۇكىمەتىنىڭ «دارىن» مەملەكەتتىك جاستار سىيلىعىنا بايقاۋ  جاريالايدى. قۇجاتتار 2018 جىلدىڭ 1 تامىزىنا دەيىن قابىلدانادى، دەپ جازادى Qamshy.kz اقپارات اگەنتتىگى ق ر ءدىن ىستەرى جانە ازاماتتىق قوعام مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.

«دارىن» مەملەكەتتىك جاستار سىيلىعى -  عىلىم، شىعارماشىلىق، قوعامدىق قىزمەت سالالارىندا جەمiستi ەڭبەگىمەن كوزگە تۇسكەن، سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەت تاراپىنان قولداۋ ماقساتىندا جىل سايىن ۇسىنىلادى.

بايقاۋ -  ەسترادا، كلاسسيكالىق مۋزىكا، حالىق شىعارماشىلىعى، ادەبيەت، تەاتر جانە كينو، جۋرناليستيكا جانە قوعامدىق قىزمەت، سپورت، ديزاين جانە بەينەلەۋ ونەرى، عىلىم  نوميناسيالارى بويىنشا وتەدى.  

حالىقارالىق جانە رەسپۋبليكالىق كونكۋرستاردىڭ، فەستيۆالدار  مەن ءتۇرلى شارالاردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى، سونداي-اق قىزمەتى يننوۆاسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتكەن  قازاقستان رەسپۋبليكاسىنىڭ  29 جاسقا دەيىنگى ازاماتتارى سىيلىق الۋعا ۇمىتكەر بولا الادى.

«دارىن» جاستار سىيلىعىن الۋعا كانديداتۋرالاردى ۇسىنۋدى ورتالىق، جەرگiلiكتi جانە وزگە دە مەملەكەتتiك ورگاندار، قوعامدىق بiرلەستiكتەر مەن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن وزگە دە زاڭدى تۇلعالاردىڭ وكىلدەرى جۇرگiزەدi.

بارلىق جەڭىمپازدارعا قازاقستان رەسپۋبليكاسى ۇكىمەتىنىڭ قاۋلىسىمەن «2017 جىلعى دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى، جانە ولار  ديپلوممەن، توسبەلگىلەرمەن جانە اقشالاي سىيلىقتارمەن ماراپاتتالادى.

تولىق اقپاراتتى ق ر ءدىن ىستەرى جانە ازاماتتىق قوعام مينيسترلىگىنىڭ رەسمي سايتىنان الۋعا بولادى.

ەستەرىڭىزگە سالا كەتەيىك، «دارىن» جاستار  سىيلىعى مەملەكەت باسشىسىنىڭ باستاماسىمەن 1992 جىلى تاعايىندالعان بولاتىن.  ءار جىلدارى باقتيار ارتايەۆ، سەرىك ساپييەۆ، يليا يلين، دەنيس تەن، ديماش قۇدايبەرگەنوۆ، ماريا مۋدرياك، «مۋز ارت» توبى، قالقامان سارين جانە باسقادا ازاماتتار اتالعان سىيلىقتى يەلەنگەن بولاتىن. 2017 جىلدان باستاپ قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگىنىڭ باستاماسى بويىنشا «دارىن» سىيلىعى  جىل سايىن تابىستالۋدا.