جاڭا №48 مەكتەپ  دەركول كەنتىنىڭ «كوكجيەك» شاعىن اۋدانىندا ورنالاسقان. 600 وقۋشىعا ارنالعان ءبىلىم بەرۋ نىسانىنىڭ قۇرىلىسى 2016 جىلدىڭ قاراشا ايىندا باستالعان ەدى. جاڭا مەكتەپتىڭ اشىلۋ سالتاناتىنا وبلىس اكىمى التاي كولگىنوۆ قاتىستى.

- ەلباسىنىڭ «نۇرلى جول» باعدارلاماسىمەن سالىنعان جاڭا مەكتەپ – كوپتەن كۇتكەن قۋانىش. بۇل جىل باسىنان بەرى پايدالانۋعا بەرىلگەن ەكىنشى مەكتەپ. الداعى ۋاقىتتا تەك وبلىس ورتالىعىندا ەمەس، بوكەي ورداسى، زەلەنوۆ، اقجايىق، تەرەكتى اۋداندارىندا مەكتەپتەر سالامىز. ەلباسى ءبىلىم سالاسىنا ەرەكشە كوڭىل ءبولىپ كەلەدى. وبلىس بويىنشا بۇل سالاداعى بيۋدجەت سوڭعى ءۇش جىلدا 20 ملرد. تەڭگەگە كوبەيدى. بيىلعى جىلعا دا اۋقىمدى جوسپارلارىمىز بار. مۇعالىمدەر جاعدايىنا دا مەملەكەت باسشىسى باسا نازار اۋدارۋدا. وسى ورايدا جاڭا فورماتقا وقۋعا كوشكەن مۇعالىمدەردىڭ جالاقىسى كوبەيەتىن بولادى. وعان ءقازىر رەسپۋبليكادان ءتيىستى قاراجات كۇتىپ وتىرمىز. باستىسى جىل سايىن بۇل باعىتتاعى جۇمىس جالعاسادى. وزدەرىڭىز بىلەسىزدەر، بۇعان دەيىن وقۋشىلار №12 مەكتەپتە وقىدى. ورىن بولمادى. ەندى بۇل شاعىناۋداننىڭ وقۋشىلارى ءوز مەكتەبىندە وقيتىن بولادى. بۇل اۋدانعا سۋ بەرىلدى، گاز كەلدى،  جول دا جاقسارىپ كەلەدى. بۇنىڭ ءبارى - ەكونوميكامىزدىڭ دامۋىنىڭ كورسەتكىشى، - دەدى ا.كولگىنوۆ.

جالپى اۋماعى 8،5 مىڭ شارشى مەتر مەكتەپ عيماراتىندا 56 كابينەت بار. سونىمەن قاتار 25 وقىرمانعا كىتاپحانا، 2 شەبەرحانا، بارلىق قۇرالدارىمەن جابدىقتالعان سپورت زالى، 200 ورىندىق ءماجىلىس زالى، راديوتوراپ كابينەتى، 130 ورىنعا ارنالعان مەكتەپ اسحاناسى سالىنعان. بارلىق كابينەتتەر پروەكتىلىك ەكرانمەن جابدىقتالعان.

مەكتەپكە 500 وقۋشى، شاعىن ورتالىققا 100 وقۋشى قابىلدانباق.

ايتا كەتەيىك، جوبا قۇنى - 1 255،609 ملن. تەڭگە.

سونداي-اق، وبلىس اكىمى وسى جاڭا شاعىن اۋدانعا بيىلدان باستاپ جول سالىناتىنىن، ءبىر جىلدا بىتپەسە دە جۇمىستى ساپالى اتقاراتىن مەردىگەر ىزدەيتىندەرى جايلى ايتتى.

قۇرىلىستى جۇرگىزگەن مەردىگەر كومپانيانىڭ باسشىسى سەرگەي پوتيچەنكو جاڭا مەكتەپتىڭ ديرەكتورىنا سيمۆوليكالىق كىلتتى سالتاناتپەن تابىستادى.

التى بلوكتان تۇراتىن مەكتەپ عيماراتىندا 56 كابينەت بار. باستاۋىش سىنىپتار مەن پاندىك كابينەتتەردەن بولەك حيميا، بيولوگيا، فيزيكا لابوراتوريالارى، ءتورت مۋلتيمەديالىق جانە العاشقى اسكەري دايىندىق كابينەتى دايىندالعان. جيىرما بەس وقىرمانعا ارنالعان وقۋ زالى بار كىتاپحانا، 2 شەبەرحانا، 2 سپورت زال، 200 ورىندىق اكت زالى مەن 130 ورىندىق اسحاناسى بار. جەتى كابينەت ينتەراكتيۆتى تاقتامەن جابدىقتالسا، مەكتەپ راديوسى ءۇشىن دە بولمە ارنالعان. ودان بولەك پسيحولوگ، لوگوپەد جانە مەدقىزمەتكەرگە دە ارنايى كابينەتتەر قاراستىرىلعان. مەكتەپتە ونەرلى بالالارعا ارنالعان «شابىت» ورتالىعى دا جۇمىس جاساماق.

مەكتەپ 500 بالانى قابىلداپ، 25 سىنىپ اشىلماق. سونداي-اق، مەكتەپ جانىنان 100 بالاعا شاعىن ورتالىق جۇمىس جاسايتىن بولادى.

فوتو: الەكساندر كۋپريەنكو