ەڭبەك جانە حالىقتى الەۋمەتتىك قورعاۋ ۆيسە-مينيسترى نۇرجان التايەۆ «ورالمان» تەرمينىنەن باس تارتۋ تۋرالى شەشىمدى قابىلداۋى ءتيىس ارنايى كوميسسيانىڭ جۇمىسى جايلى مالىمدەدى، دەپ حابارلايدى Qamshy.kz اقپارات اگەنتتىگى. 

«ورالمان» تەرمينىنە قاتىستى حالىق تا، دەپۋتاتتار دا ءتۇرلى ۇسىنىستار ايتتى. قازىرگى ۋاقىتتا ساراپتاما جۇرگىزىلۋدە. كەي مەملەكەتتەردە ورالمانداردى وتانداستار دەپ اتايدى، كەيبىرى وزگە تەرميندەردى قولدانادى. ساراپتامانىڭ قورىتىندىسى بويىنشا ءبىز شەشىم قابىلدايمىز. نەگىزىنەن «وتانداس» تەرمينىن قاراستىرىپ جاتىرمىز. ارنايى كوميسسيا كەرەكتى جۇمىستاردى جۇرگىزۋدە. شەشىم قابىلدانعان سوڭ سىزدەرگە ناتيجەسىن ايتامىز. تاۋەلسىزدىك جىلداردان بەرى قازاقستانعا ءبىر ميلليونعا جۋىق ورالمان كوشىپ كەلدى. قاتەلەسپەسەم، ولاردىڭ كوبى وزبەكستاننان كەلگەن. 2018 جىلى ەلگە 18 مىڭ 605 ورالمان ورالدى»، - دەدى التايەۆ جۇمىسپەن قامتۋ جانە كوشى-قون سالاسىنداعى زاڭناماعا وزگەرىستەر ەنگىزۋ تۋرالى زاڭ جوباسىن تالقىلاۋ بارىسىندا.

بۇعان قوسا ۆيسە-مينيستر قازاقستانداعى وتباسى جوق ورالماندارعا قاتىستى ماسەلەنى دە تىلگە تيەك ەتتى.

«ورالماندارعا بەرىلەتىن وڭىرلىك كۆوتالاردى تەك وتباسىلى ادامدارعا ەمەس، جالعىز باستى ورالماندارعا دا بەرۋ ماسەلەسىن قاراستىرىپ جاتىرمىز. زاڭناماعا سايكەس، كۆوتا وتباسىلى ورالماندارعا بەرىلەتىن. بۇگىنگە دەيىن تولاسسىز كەلگەن وتىنىشتەرگە سايكەس، وتباسى جوق ورالماندارعا دا كۆوتا بەرۋ ماسەلەسى قارالدى. ەندى كۆوتا جالعىز قونىس اۋدارعاندارعا دا بەرىلەدى»، - دەدى التايەۆ.