الماتى وبلىسىندا جاڭادان قۇرىلعان كەگەن جانە رايىمبەك اۋداندارىنىڭ اكىمدەرى تاعايىندالدى، دەپ حابارلايدى Qamshy.kz اقپارات اگەنتتىگى inform.kz سايتىنا سىلتەمە جاساي وتىرىپ. 

اۋداندىق ءماسليحات دەپۋتاتتارىنىڭ كەلىسىمىمەن كەگەن اۋدانىنىڭ اكىمى بولىپ تالعات بايەدىلوۆ تاعايىندالدى. ول بۇعان دەيىن رايىمبەك اۋدانى اكىمىنىڭ ورىنباسارى قىزمەتىن اتقارعان. ال رايىمبەك اۋدانىنىڭ اكىمى بولىپ جولان ۋماروۆ بەكىتىلدى.  ايتا كەتۋ كەرەك، جولان ۋماروۆ اۋدان ەكىگە بولىنبەي تۇرعان ساتتە  رايىمبەك اۋدانىنىڭ اكىمى بولعان. جاڭا اۋدانداردىڭ اكىمدەرىن وبلىس باسشىسى حالىقپەن كەزدەسۋ بارىسىندا تانىستىرىپ، جۇمىستارىنا ساتتىلىك تىلەدى.

ەستەرىڭىزگە سالا كەتەيىك، ەلباسى الماتى وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى جارلىققا قول قويعان بولاتىن.  

قۇجاتقا سايكەس،  رايىمبەك اۋدانىنىڭ ورتالىعى نارىنقول اۋىلى، ال كەگەن اۋدانىنىڭ ورتالىعى كەگەن اۋىلى بولىپ قۇرىلدى.