الماتى، جامبىل، قىزىلوردا جانە وڭتۇستىك قازاقستان وبلىستارىندا جۋىردا ۇسىك ءجۇرۋى مۇمكىن، دەپ جازادى Qamshy.kz اقپارات اگەنتتىگى  قازگيدرومەتتىڭ دەرەگىن نەگىزگە الا وتىرىپ. 

10 ءساۋىر كۇنى تۇندە قىزىلوردا وبلىسىندا، 9-11 ساۋىردە تۇندە وڭتۇستىك قازاقستان وبلىسىندا 1-3 گرادۋس ۇسىك جۇرەدى، ال 11-12 ساۋىردە تۇندە جامبىل جانە الماتى وبلىسىندا كەي جەرلەردە بەس گرادۋسقا دەيىن ۇسىك ءجۇرۋى ىقتيمال.

سونىمەن قاتار، قازاقستاننىڭ وڭىرلەرىندە سۋ دەڭگەيىنىڭ كوتەرىلۋىنە بايلانىستى دابىلدى ەسكەرتۋ جاريالاندى.

8 ساۋىردە اقمولا، اقتوبە، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىندا اۋا تەمپەراتۋراسىنىڭ كوتەرىلۋىنە بايلانىستى جانە جاۋىن-شاشىن ءتۇسۋى سالدارىنان قار ەرىپ، سۋ دەڭگەيى ارتىپ، سۋ باسۋ ءقاۋپى تۋىندايدى.

8 ساۋىردە شىعىس قازاقستان وبلىسىندا وزەندەر ارناسىنان اسىپ، تاسقىن بولۋى مۇمكىن.

8 ساۋىردە الماتى، جامبىل، وڭتۇستىك قازاقستان وبلىستارىندا جانە الماتى قالاسىندا جاۋىن-شاشىن تۇسۋىنە بايلانىستى سۋ باسۋ ءقاۋپى بار.