8 ساۋىردە، جەكسەنبى كۇنى الماتى وبلىسىندا جول اپاتىنان ەر ادام كوز جۇمدى. ازىرگە مارقۇمنىڭ جەكە تۇلعاسى انىقتالماعان. بۇل تۋرالى Qamshy.kz اقپارات اگەنتتىگى zakon.kz-كە سىلتەمە بەرىپ حابارلايدى.

جول-كولىك اپاتى قاپشاعاي تاس جولىنان 20 شاقىرىم جەردە بولعان. Toyota Windom ماركالى اۆتوكولىگى قاراڭعىدا ءتيىستى ەمەس جەردەن جولدان ءوتىپ بارا جاتقان ەر ادامدى قاعىپ كەتكەن. كولىك يەسىنىڭ ايتۋىنا قاراعاندا، ول تاس جول بويىمەن 140-150 كم/ساع جىلدامدىقپەن كەلە جاتقان. جول جارىق بولماعان سوڭ جاياۋ جۇرگىنشىنى بايقاماي قالعان.

سوققىنىڭ كۇشتى بولعانى سونشالىق، ەر ادامنىڭ دەنەسى 60 مەترگە دەيىن ۇشىپ، قارسى جولعا شىعىپ كەتكەن. جۇرگىزۋشىنىڭ سوزىنشە، جاياۋ جۇرگىنشىنى تاعى 1-2 كولىك باسىپ وتكەن.  مارقۇمنىڭ باسى مىجىلىپ، سول اياعى جۇلىنىپ كەتكەن. جول اپاتى بوعان جەردەن دەنەسى 60 مەترگە، اياعى 100 مەترگە دەيىن ۇشىپ كەتكەن. قازىرگى ۋاقىتتا بولعان وقيعاعا قاتىستى پوليسيا تەرگەۋ جۇرگىزىپ جاتىر.