قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز استانادا ءمۇفتيات عيماراتىندا قوستاناي وبلىسىنىڭ اكىمى ارحيمەد مۇحامبەتوۆپەن كەزدەستى، دەپ جازادى Qamshy.kz اقپارات اگەنتتىگى قمدب باسپا ءسوز قىزمەتىنە سىلتەمە جاساي وتىرىپ.

رەسمي كەزدەسۋدە قوعامدا ءدىن مەن ءداستۇر ساباقتاستىعىن دارىپتەۋ، ساۋاپتى ءھام سالاۋاتتى شارالاردى ناسيحاتتاۋ، جاستاردى دەسترۋكتيۆتى اعىم يدەولوگياسىنان ساقتاندىرۋ، تاريحي تۇلعالار تۋرالى يگى جوبالاردى بىرلەسە جۇزەگە اسىرۋ، قايىرىمدىلىق باعىتتاعى جۇمىستاردى كوبىرەك ۇيىمداستىرۋ، ت.ب. ماسەلەلەر ءسوز بولدى.

ارحيمەد بەگەجان ۇلى 2011-2013 جىلدارى قمدب-نىڭ قوستاناي وبلىسى بويىنشا وكىل يمامى قىزمەتىن اتقارعان سەرىكباي قاجى ساتىبالدى ۇلىنىڭ اتالعان وڭىردە جۇزەگە اسىرعان ىزگى جوبالارى مەن يگى باستامالارى تۋرالى وڭ پىكىرىن ءبىلدىردى.  

ا.مۇحامبەتوۆ باس ءمۇفتيدى جاڭا قىزمەتىمەن قۇتتىقتاپ، قوستاناي وبلىسىنا رەسمي ساپارمەن كەلۋدى ۇسىندى.

كەزدەسۋ سوڭىندا قوستاناي قالاسىندا يسلام باعىتىندا مۇراجاي-كورمە اشۋ تۋرالى ۋاعدالاستىق جاسالدى.