دەپۋتاتتار اقتوبەدەگى جاڭا اۋدانداردى «استانا» جانە «الماتى» دەپ اتاۋدى بەكىتكەن. اۋدانداردىڭ بۇلاي اتالۋىن حالىق تۇگەلدەي قولداعانىن دا جەتكىزدى. الايدا الەۋمەتتىك جەلىدە اقتوبەلىك تۇرعىنداردىڭ جاڭالىققا قۋانا قويماعانى بايقالادى.
قارسى تۇرعىندار اۋداندارعا ەلەك جانە سازدى دەگەن اتاۋلاردى بەرۋدى ۇسىنىپ، حات جازدى.
6 ساۋىردە ءماسليحات سەسسياسىندا دەپۋتاتتار ءبىراۋىزدان اقتوبەدەگى ەكى اۋداندى «الماتى»، «استانا» دەپ اتاۋدى شەشكەن. داۋىس بەرۋشىلەردىڭ كوبى اتاۋدى قولدادى.
ال الەۋمەتتىك جەلى قولدانۋشىلارى دەپۋتاتتاردىڭ ۇسىنىسىنا قارسى ەكەندەرىن جارىسا جازدى، ءتىپتى ولاردىڭ كوپتىگى سونشا، كىمنىڭ قولداعانىن تۇسىنبەي دال. ەڭ بەلسەندىلەرى اۋداندارعا ەكى استانانىڭ ەمەس، اقتوبە تاريحىنا قاتىسى بار اتاۋلاردى بەرۋدى ۇسىنىپ، حات جازدى. حات جازعانداردىڭ قاتارىنا تاريحشىلار، جۋرناليستەر، مۇعالىمدەر مەن وزگە دە ينتەلليگەنسيا وكىلدەرى قوسىلدى.
دياپازون پورتالىنا بەلسەندىلەر نە سەبەپتى قارسى ەكەندەرىن ايتتى.
«بىرىنشىدەن، دەپۋتاتتار حالىقتىڭ پىكىرىمەن ساناسقان جوق. سوندا ءبىزدىڭ قالامىز ءۇش قالادان تۇراتىن بولادى عوي – اقتوبە، الماتى، استانا. اۋداندارعا ەكى وزەننىڭ – ەلەك جانە سازدى دەگەن اتاۋلاردى بەرگەنىن قالايمىز»، - دەدى «ۇلت تاعدىرى» قوعامدىق بىرلەستىگىنىڭ جەتەكشىسى ايتقالي يتالييەۆ.
بەلسەندىلەردىڭ سوزىنشە حات قازاقستان پرەزيدەنتىنە، اقتوبە وبلىسىنىڭ اكىمدىگىنە جانە ونوماستيكا كوميسسياسىنا جىبەرىلدى.
