قوستانايلىق ءتارتىپ ساقشىلارى قىزداردى جەزوكشەلىكپەن اينالىسۋعا ماجبۇرلەپ جۇرگەن ۇيىمداسقان قىلمىستىق توپتى قۇرىقتادى، دەپ حابارلايدى قازاقپارات وبلىستىق ءىىد باسپا ءسوز قىزمەتىنە سىلتەمە جاساپ.

جاقىندا قىزداردى جىنىستىق قىزمەت كورسەتۋگە ماجبۇرلەپ كەلگەن 24-31 جاس ارالىعىنداعى كۇدىكتى توپ ۇستالدى. ولاردىڭ اراسىندا ءبىر قىز بار. پوليسەيلەردىڭ ايتۋىنشا، كۇدىكتىلەر ماتەريالدىق جاعدايى ءالسىز قىزداردى وزدەرىنىڭ تانىستارى ارقىلى تاۋىپ وتىرعان.

 «ۇيىمداسقان توپ جابىرلەنۋشىلەردى پاتەرگە شاقىرىپ، ولارمەن بىرگە ىشىمدىك ىشەدى. مۇنان سوڭ قىزداردى قورقىتىپ، جىنىستىق قاتىناسپەن اينالىسۋعا ماجبۇرلەيدى. بارلىعى 12 قىز قىلمىستىق توپ «قۇرىعىنا» ىلىنگەن. ولاردىڭ ۇشەۋى بالالار ۇيىنەن شىققان. جەڭگەتايلىق جاساعاندار قىزداردىڭ جەكە قۇجاتتارىن تارتىپ العان»، - دەپ حابارلادى وبلىستىق ءىىد باسپا ءسوز قىزمەتىندەگىلەر.

بۇعان قوسا، جەڭگەتايلاردىڭ تەپكىسىنە تۇسكەن بويجەتكەندەر جاقىندارىمەن تەلەفون ارقىلى سويلەسىپ جۇرگەن. الايدا وزدەرىنىڭ جاعدايلارى تۋرالى ءتىس جارماعان.

ۆەدومستۆونىڭ مالىمەتىنشە، ءقازىر ۇيىمداسقان قىلمىستىق توپ وكىلدەرى ۇستالدى. ق ر قك بىرنەشە بابىمەن سوتقا دەيىنگى تەكسەرۋ امالدارى باستالدى