بۇگىن استانادا ورتالىق كوممۋنيكاسيالار قىزمەتى الاڭىندا «قازاقستان» رترك» اق ۇيىمداستىرۋىمەن «مەن قازاقپىن» ۇلتتىق مەگاجوباسىنا قاتىستى باسپا ءسوز كونفەرەنسياسى بولىپ ءوتتى، دەپ حابارلايدى Qamshy.kz اقپارات اگەنتتىگى.
اتالمىش شاراعا «قازاقستان» رترك» اق باسقارما ءتوراعاسى ەرلان قارين مەن قوعام قايراتكەرى مىرزاتاي جولداسبەكوۆ قاتىستى.
ۇلتتىق ارنا باسشىسىنىڭ ايتۋىنشا، قازاقستان ارناسىندا باستاۋ العان اتالمىش مەگا جوبا قازاقتىڭ ۇلتتىق ونەرىن دارىپتەيتىن، كۇي، جىر-تەرمەلەردى دامىتىپ، حالىققا ناسيحاتتايدى.
«مەن قازاقپىن» جوباسىنىڭ نەگىزگى ماقساتى – ەلىمىزدىڭ تۇكپىر-تۇكپىرىندەگى ءداستۇرلى ءان ايتۋشىلاردى، تەرمەشى، كۇيشىلەردىڭ باسىن ءبىر ارنادا توعىستىرىپ، ەلىمىزدىڭ ءار ايماعىندا قالىپتاسقان ونەر مەكتەپتەرىنىڭ تاڭداۋلى تۋىندىلارىن دارىپتەۋ ماقساتىندا اتا-بابادان مۇرا بولىپ كەلە جاتقان ءتول ونەرىمىز كۇي، جىر-تەرمەنى دامىتىپ، زامانعا ساي جاڭاشالاندىرىپ، وسكەلەڭ ۇرپاققا ناسيحاتتاۋ.
«بىلتىر، ەستەرىڭىزدە بولار، ءدال وسى ۋاقىتتاردا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى شىققان بولاتىن. سول ماقالاسىندا ەلباسى ۇلتتىق ونەرىمىزدى، مادەنيەتىمىزدى ناسيحاتتاۋدى، ۇلتتىق سيپاتىمىزدى جاڭعىرتىپ، ەلىمىزدىڭ رۋحاني مۇراسىن كورسەتۋ قاجەتتىگى جونىندە ايتىپ وتكەن ەدى. سول كەزدە ءبىزدىڭ ارنادا ءبىرقاتار تالقىلاۋلار ءوتىپ، ءبىز دە وسىعان ءوزىمىزدىڭ ۇلەسىمىزدى قوسايىق دەپ، سول تالقىلاۋلاردىڭ ناتيجەسىندە «مەن قازاقپىن» مەگاجوباسى دۇنيەگە كەلدى. وتكەن جىلى بۇل اۋقىمدى جوباعا 3000-نان استام ۇمىتكەر ءوتىنىش ءبىلدىرىپ، وبلىستىق ىرىكتەۋگە 700-دەي ادام قاتىسقان بولاتىن، ال استانادا وتكەن تەليەۆيزيالىق جوباعا 57 ونەرپاز ب ا ق سىناسىپ، ونەرلەرىن ورتاعا سالدى»، - دەپ اتاپ ءوتتى ەرلان قارين.
ونىڭ ايتۋىنشا، بۇل جوبا مۇنىمەن توقتاپ قالماي، ارمەن قاراي جالعاسىن تابادى.
«بيىل «مەن قازاقپىن» جوباسىنا ەلىمىزدىڭ 14 ايماعىنان 170 اۋدان قاتىسادى دەپ جوسپارلانۋدا. سونداي-اق، ادەتتەگىدەي شەتەلدەگى قانداستارىمىزدى تارتۋ ءۇشىن رەسەيدىڭ استراحان، موڭعوليانىڭ بايان-ولگەي جانە قىرعىزستاندا ۇيىمداستىرۋ جۇمىستارىن جۇرگىزەتىن بولامىز. بۇل جوبا ۇلتتىق ءتول ونەرىمىزدى دامىتۋ عانا ەمەس، جاڭا ەسىمدەر اشۋمەن قاتار، ەلىمىزدەگى انشى-تەرمەشىلەر مەن كۇيشىلەردىڭ ونەرىن كەڭىنەن ناسيحاتتاۋعا مۇمكىندىك بەرەدى»،- دەيدى ۇلتتىق ارنا باسشىسى.
بريفينگ بارىسىندا Qamshy.kz اقپارات اگەنتتىگى ءتىلشىسى ۇلتتىق ارنا باسشىسى ەرلان قارينگە «جەلىدە سىنعا ىلىككەن ەربولات بەدەلحاننىڭ جوباسىنا قاتىستى نە ايتاسىز؟» دەگەن سۇراق قويدى.
ارنا باسشىسى اڭگىمەنى ارىدان باستاپ، قازاقستان ارناسىندا ۇلتتىق ونەردى دارىپتەيتىن باعدارلامالار تەك ءبىر عانا ەمەس، ولاردىڭ كوپ ەكەنىن تىلگە تيەك ەتتى دە، ولاردى اتاپ ءوتتى.
«بىزدە تاعى ءبىر ۇلتتىق ونەردى دارىپتەيتىن وسىنداي ۇلكەن جوبا قولعا الىندى. ءبىر ايدىڭ كولەمىندەي بولدى، ءار اپتا سايىن جەكسەنبى كەشكى ۋاقىتتا «ءجۇرسىننىڭ جۇيرىكتەرى» اتتى ايتىس جوباسى ءجۇرىپ جاتىر. مۇنىڭ بارلىعىن ايتىپ وتىرعان سەبەبىم، وزدەرىڭىز كورىپ وتىرسىزدار ۇلتتىق ارنانىڭ اقپاراتتىق ساياساتىنداعى نەگىزگى ماقسات – ۇلتتىق ونەرىمىزدى، كۇي، تەرمە، جىر، ءداستۇرلى ءان، ايتىس – وسىنىڭ بارلىعىن قولعا الىپ، ناسيحاتتاپ كەلە جاتىرمىز. ءبىراق، سونىمەن قاتار، ءبىز جاستاردىڭ دا تالابىن ەسكەرۋىمىز قاجەت. ولاردىڭ دا قازىرگى زاماناۋي مۋزىكالاردى ۇناتاتىنىن دا ەستە ۇستاۋىمىز كەرەك. سوندىقتان، بىزدە ءار ءتۇرلى جاس وكىلدەرىنە ارنالعان ءتۇرلى جوبالار قاراستىرىلعان. «مەن قازاقپىن»، «ءجۇرسىننىڭ جۇيرىكتەرى» ۇلتتىق ونەرگە ارنالعان بولسا، تاعى دا ەسترادالىق اندەرگە ارنالعان «ۇمىتىلماس اندەر» جوباسى بار. سونىمەن قاتار، ءبىزدىڭ جاسوسپىرىمدەر، جاستار كورەتىن جوبالار باستالدى. ءبىراق ولار باسقا ۋاقىتتاردا، جاستار كوپ جينالاتىن تۇنگى ۋاقىتتاردا كورسەتىلەدى»، - دەپ جاۋاپ بەردى ەرلان قارين. ءسوزىن جالعاستىرا كەلە، ۇلتتىق ارنادا قانداي جوبا باستالسا دا بارلىعى تەك حالىقتىڭ مۇددەسى ءۇشىن جاسالاتىنىن، نەگىزگى ماقسات كەڭ اۋديتوريا جيناۋ ەكەندىگىن ايتتى.
«ۇلتتىق ارنا مۇمكىندىگىنشە كەڭ اۋديتورياعا جۇمىس ىستەۋى كەرەك دەپ ويلايمىن. كورەرمەندەردى وزىنە كوبىرەك تارتۋى ءتيىس. ءبىز ءقازىر تەرمە، كۇيدى ۇلتتىق ارنادا شىعارىپ جاتىرمىز دەيمىز، ەگەر ونى ەشكىم قارامايتىن بولسا، ارنانىڭ الدىندا سونشالىقتى كەڭ اۋديتوريا جينالمايتىن بولسا، ءبىز ونى كىمگە قالاي ناسيحاتتايمىز؟! سوندىقتان، مەنىڭ ويىمشا، بارلىق كورەرمەننىڭ سۇرانىسىن ەسكەرىپ وتىرۋىمىز قاجەت. بۇلاردان دا باسقا ءبىزدىڭ قىزىقتى، تارتىمدى جوبالار دايىنداپ جاتىرمىز، ولاردى الداعى ۋاقىتتا كورەتىن بولاسىزدار»، - دەدى ەرلان قارين.
ايتا كەتسەك، Qazaqstan ارناسىندا قانشاما ۋاقىتتان بەرى داۋدىڭ ورتاسىندا جۇرگەن «91» توبىنىڭ پروديۋسەرى، Q-pop ءستيلىنىڭ «جاناشىرى» ەربولات بەدەلحاننىڭ «Q-pop Idols» رەاليتي باستاۋ العان بولاتىن. پروديۋسەردىڭ بۇل جوباسىنا جەلى قولدانۋشىلارى نارازىلىق ءبىلدىرىپ، ۇلتتىق ارنادان كورسەتىلمەۋىن تالاپ ەتكەن ەدى.
جەلى قولدانۋشىلارى ۇلتتىق ارنادا كورسەتىلىپ جۇرگەن ەربولات بەدەلحاننىڭ Q-pop ستيلىنە باعىتتالعان باعدارلاماسىنا قاتىستى نارازىلىق ءبىلدىرىپ، تۇرلىشە پىكىرلەر جازعان بولاتىن. ءداستۇرلى ونەر مايتالمانى، بەلگىلى ءانشى ساۋلە جانپەيىسوۆا ءوز پاراقشاسىندا اتالمىش جوبانىڭ ۇلتتىق مۇددەمىزگە ساي كەلمەيتىن العا تارتىپ، ارنا باسشىسىنا اشىق حات تا جولداعان.
