اقش-تىڭ سوڭعى سانكسيالارى رەسەي الپاۋىتتارىنىڭ بيزنەسىنىڭ قاتتى شايقالتقانى بەلگىلى: اكسيالار مەن رۋبل كۋرسى تاعى دا قۇلادى.ارينە، وسىدان بىلاي رەسەي دەرەۋ قۇردىمعا كەتپەيدى. رەسەي وليگارح-الپاۋىتتارى ءوز بيزنەستەرى مەن اكسيالارىمەن مەملەكەت ەسەبىنەن قالپىنا كەلتىرەدى، ال رەسەي بيۋدجەتىنىڭ ورتالانۋى ورىس حالقىنىڭ تۇرمىسىن تومەندەتەدى .

بۇگىنگى كۇنى رەسەي ورىسى ءپۋتيندى ءالى قولدايدى. اقش-پەن بىرگە ۇلى بريتانيانىڭ رەسەيگە دەگەن كوڭىلى بۇزىلدى.ورىس بارلاۋشىسى سكريپال جانە ونىڭ قىزىنا جاسالعان قاستاندىقتان كەيىن رەسەي مەن ۇلى بريتانيا اراقاتىناسى ودان سايىن بۇزىلدى. ەۆروپالىق وداق پەن رەسەي قاتىناسى ءماز ەمەس، وعان رەسەيدىڭ ۋكرايناعا 2014 جىلعى قىرىم اننەكسياسى مەن شىعىس ۋكرايناعا اگرەسسياسى اسەر ەتتى. ۋكراينا-ەۆروپالىق مەملەكەت، سوعىس ەۆروپاعا كەلدى، ۋكراين بوسقىندارى پولشا مەن گەرمانيادا قاپتاپ ءجۇر. ءبىراق گەرمانيا مەن رەسەي ەكونوميكالىق قاتىناسى ءالى قۇلاعان جوق. ءبىراق رەسەي سيرياداعى اسكەري وپەراسياسىندا باشار اسادتى قولدايدى، دەموكراتيالىق وپپوزيسيا باشار اسادقا قارسى سوعىسىپ كەلەدى، ەكىنشى رەت حيميالىق قارۋ قولدانعان، بەيبىت تۇرعىندار اراسىندا شىعىن بار.بۇل جاعدايلار ەۆروپا مەن رەسەي اراسىنىڭ شىرقىن بۇزىپ كەلەدى. ەكىنشى قىرعي قاباق سوعىسىن 2007 جىلى باستاعان.ءبىرىنشى قىرعي قاباق سوعىسى 1946-1991 جىلدارى بولىپ، كسرو-نىڭ ىدىراۋىمەن اياقتالدى. ەكىنشى قىرعي قاباق سوعىسى رەسەيدىڭ ىدىراۋىمەن اياقتالادى. ءبىزدىڭ ەلىمىز - قازاقستان ءپۋتيننىڭ اۆانتيۋراسىنا قاتىسپادى. رەسەيدىڭ ەكونوميكالىق جانە الەۋمەتتىك جاعدايى تىم مۇشكىل، سوندىقتان رەسەي بىزگە شابۋىلداماس.

ءازىمباي عالي