اقپارات جانە كوممۋنيكاسيالار مينيسترلىگى قازاقستاندا قولدانىس اياسى كەڭەيىپ كەلە جاتقان Telegram مەسسەندجەرىن بۇعاتتاۋعا مۇددەلى ەمەس، دەپ مالىمدەدى ۆەدومستۆو باسشىسى داۋرەن ابايەۆ. بۇل تۋرالى Qamshy.kz اقپارات اگەنتتىگى sputniknews.kz سايتىنا سىلتەمە جاساپ.
«اقپارات جانە كوممۋنيكاسيالار مينيسترلىگى سوت شەشىمىن ورىنداۋ ءۇشىن بارلىق قاجەتتى شارانى قولعا الۋعا مىندەتتى. وسىعان بايلانىستى ءتيىستى حابارلاندىرۋلار، سونىڭ ىشىندە Telegram اكىمشىلىگىنە دە جىبەرىلدى. بۇل باعىتتا جۇمىس ءجۇرىپ جاتىر، ءبىز Telegram سەكىلدى قازاقستاندا تانىمال بولىپ كەلە جاتقان مەسسەندجەردى بۇعاتتاۋعا مۇددەلى ەمەسپىز»، — دەدى ابايەۆ ۇكىمەت وتىرىسىنان كەيىن.
ايتا كەتسەك، ەگەر Telegram قاشقىن بانكير مۇحتار ءابليازوۆتىڭ رەسپۋبليكادا تىيىم سالىنعان «قازاقستاننىڭ دەموكراتيالىق تاڭداۋى» قوزعالىسىنىڭ ماتەريالدارىن ءوشىرۋ تۋرالى سوت شەشىمىن ورىنداماسا، وندا مەسسەندجەردىڭ جۇمىسى شەكتەلۋى مۇمكىن.
