پەتەربور قالاسىنىڭ تەرگەۋ ورگاندارى 20 جاستاعى جىگىتتىڭ ۇستىنەن قىلمىستىق ءىس قوزعادى. ول ەگدە جاستاعى مەشىت كۇزەتشىسىنىڭ ولىمىنە كىنالى دەپ تانىلىپ وتىر. بۇل جايىندا ريا نوۆوستي حابارلايدى.
قۇزىرلى ورگاندار اتالعان ءىستى تەكسەرۋ ۇستىندە. ءمالىم بولعانداي، كۇدىكتى دەپ تانىلعان 20 جاستاعى جىگىت پسيحيكالىق اۋىتقۋى بار دەپ تانىلىپ وتىر.
— 9 ساۋىردە پەتەربور قالاسىنداعى مەشىتتە 1947 جىلى دۇنيەگە كەلگەن مەشىت كۇزەتشىسى مەن جيىرما جاستاعى جىگىت اراسىندا ۇرىس شىققان. ارتىنشا جاس جىگىت كۇزەتشىنى اياۋسىز سوققىعا جىققان. قارت كىسى جاراقاتپەن اۋرۋحاناعا جەتكىزىلىپ، 10 ساۋىردە كوز جۇمدى، - دەلىنگەن حابارلامادا.
