2018 جىلدىڭ 14 ساۋىرىندە، ساعات 17: 00-دە Astana Music Hall –دا «سەنىڭ باعىڭدا» اتتى مۋزىكالىق البوم مەن عاجايىپ شوۋدىڭ تۇساۋكەسەرىنە ارنالعان باسپا ءسوز كونفەرەنسياسى وتەدى.

شاراعا بەلگىلى وپەرا ءانشىسى جۇلدىز ءۋاليحان، تانىمال بالەت ءارتىسى دوسجان تابىلدى، كومپوزيتور سىرىم ءنابيقۇلوۆ جانە ت.ب قاتىسادى.

جوبانىڭ باستى ماقساتى – ونەر ارقىلى ەلىمىزدەگى ونكولوگيالىق اۋرۋلارعا شالدىققان ناۋقاس بالالارعا قول ۇشىن بەرۋ. قوعامدى، بارشا ادامزاتتى مەيىرىمدىلىككە، يگى ىستەر مەن ارەكەتتەرگە شاقىرۋ.

العاش رەت قازاقستاندىق قانا ەمەس، سونىمەن بىرگە الەمدىك ساحنادا ونەر كورسەتەتىن بىرەگەي وپەرا ءانشىسى مەن تانىمال بالەت ءارتىسى ەرەكشە شوۋدى جاڭا فورماتتا ۇسىنباق.

شوۋ ايگىلى الەمدىك وپەرا، حالىق اندەرىمەن قاتار، بالەتتىڭ جاڭاشا قويىلىمدارىنان تۇرادى. مۋزىكالىق نومىرلەر دىبىس، داۋىس جانە بي ارقىلى ءتۇرلى سەزىمنىڭ بۇكىل دراماتۋرگياسىن كورسەتەدى. جاڭا كورسەتىلىمدەگى وپەرا مەن بالەت ونەرى رۋحاني كوڭىل-كۇي عانا سىيلاپ قويماي، سونىمەن بىرگە ەلىمىزدىڭ مادەنيەتىنىڭ دامۋىنا ۇلەس قوسپاق.

جۇلدىز ءۋاليحاننىڭ اسەم داۋىسى مەن دوسجان تابىلدىنىڭ كەرەمەت پلاستيكاسى كورەرمەنگە بارلىق تاڭعاجايىپ سەزىمدەر مەن ەموسيالاردى تارتۋ ەتەدى. ەكەۋى بىرىگىپ ونەر ارقىلى ماحاببات، سەزىم، ادامگەرشىلىك، ارمان، بەيىمدىلىك، ىنتىزارلىق جانە سۇلۋلىق تۋرالى باياندايدى.

سونداي-اق، مۋزىكالىق شوۋ اياسىندا «سەنىڭ باعىڭدا» اتتى جاڭا كليپتىڭ تۇساۋكەسەرى وتەدى. سەنىڭ باعىڭدا مۋزىكالىق البومى ءبىر جىل كولەمىندە ازىرلەندى. ءتۇسىرىلىم جۇمىستارى يتاليا مەن قازاقستاندا ءوتتى.

سەنىڭ باعىڭدا - بۇل عاجايىپ اسەرگە بولەيتىن جوعارى ساپالى، رەجيسسەرلىك جۇمىس. ساحناداعى كورىنىس پەن دەكوراسيانىڭ لەزدە وزگەرۋى درايۆ سەزىمىن ارتتىرا تۇسپەك. جاڭاشا جارىق قوندىرعىلارى، كۇردەلى ارنايى ەففەكتتەر، مۋزىكا، قوزعالىس ءبىر جەردە توعىسادى.

اتالمىش شاراعا مەملەكەتتىك جانە قوعام قايراتكەرلەرى، زيالى قاۋىم، شوۋ-بيزنەس وكىلدەرى جانە ت.ب قاتىسادى.

سول كەشتە ساحنادا قاتەرلى اۋرۋعا شالدىققان بالانىڭ ەسىمى اتالىپ، اناسىنا مۋزىكالىق ديسكىنىڭ ساتىلىمىنان تۇسكەن قارجى تابىستالىپ ەمىنە اۋدارىلاتىن بولادى.