بۇگىن الماتى قالاسىنىڭ وڭىرلىك كوممۋنيكاسيالار قىزمەتى الاڭىندا شەتەلدە ءبىلىم الۋ مۇمكىندىكتەرى جانە «بولاشاق» حالىقارالىق ستيپەندياسىنا قۇجاتتاردى قابىلداۋ قاعيدالارىنا جانە قۇجاتتاردى تاپسىرۋ تارتىبىنە ەنگىزىلگەن وزگەرىستەر جونىندە بريفينگ ءوتتى دەپ جازادى Qamshy.kz اقپارات اگەنتتىگى.  بريفينگكە «حالىقارالىق باعدارلامالار ورتالىعى» اق وكىلى نۇرمانوۆ التاي نۇرلان ۇلى قاتىستى.

 التاي نۇرلان ۇلىنىڭ بەرگەن اقپاراتىنا سۇيەنسەك، «بولاشاق» حالىقارالىق ستيپەندياسى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ 1993 جىلعى 5 قاراشاداعى جارلىعىمەن قۇرىلعان.

باعدارلاما ماقساتى – ەل ەكونوميكاسىنىڭ باسىم سەكتورلارى ءۇشىن كادرلار مەن مامانداردى دايارلاۋ. باعدارلامانىڭ ىسكە اسىرىلعان ۋاقىتى ىشىندە ستيپەنديا قازاقستاننىڭ 12 مىڭنان استام ازاماتىنا تاعايىندالدى، 10 000 مامان دايارلاندى. قازىرگى كەزدە 1053 ستيپەنديات وقۋ ۇستىندە.

سونىمەن قاتار، «حالىقارالىق باعدارلامالار ورتالىعى» اق قازاقستاندىق جوعارى وقۋ ورىندارىن ينتەرناسيونالداندىرۋمەن جانە ۇكىمەت ارالىق كەلىسىمدەردى ىسكە اسىرۋمەن اينالاسىدى.

بۇگىنگى كۇنى پولشا، مالايزيا، رەسەي جانە باسقا ەلدەردىڭ جوعارى وقۋ ورىندارىندا وقۋ ءۇشىن قۇجاتتاردى قابىلداۋ جالعاسۋدا.

اعىمداعى جىلدا «بولاشاق» باعدارلاماسىنا كەلەسى وزگەرتۋلەر ەنگىزىلدى:

- شەتەلدىك جەتەكشى جوعارى وقۋ ورىندارىنا ءوز بەتىنشە تۇسكەن تۇلعالار ءۇشىن ديپلومنىڭ ورتاشا بالىنا قويىلاتىن تالاپ 3،0 بالعا دەيىن تومەندەتىلدى؛

- تاعىلىمدامادان ءوتۋ ءۇشىن «عىلىمي قىزمەتكەرلەر»، «استانا» حالىقارالىق قارجى ورتالىعىن قۇرۋعا قاتىستى سوت، پروكۋراتۋرا، قارجى سەكتورى قىزمەتكەرلەرى» جانە «اقپاراتتىق (كيبەر) قاۋىپسىزدىك» ساناتتارى بەلگىلەندى.

سونداي-اق، ۇكىمەتارالىق كەلىسىمدەر نەگىزىندە شەت مەملەكەتتەر قازاقستان ازاماتتارىنا 10 000 گرانت ۇسىنۋدا، قازىرگى ۋاقىتتا ولاردىڭ كوبىسىنە قۇجاتتار قابىلداۋ جۇرگىزىلۋدە.

2018 جىلعى 23 ساۋىردەن 15 مامىرعا دەيىن استانا، الماتى، اقتاۋ، جەزقازعان، قىزىلوردا، تاراز جانە شىمكەنت قالالارىندا رەسەي جوعارى وقۋ ورىندارىندا وقۋعا ارنالعان بيۋدجەتتىك ورىندارعا قابىلداۋ ەمتيحاندارى وتكىزىلەدى، - دەپ ءسوزىن تۇيىندەدى التاي نۇرمانوۆ.

رەسەيدە ءبىلىم الۋدىڭ ارتىقشىلىقتارى:

گەوگرافيالىق ورنالاسۋى

تىلدىك بارەردىڭ جوقتىعى

ساپالى ءبىلىم

الەم بويىنشا باعالاناتىن جانە تانىلاتىن ديپلوم

حالىقارالىق بايلانىستار

ستۋدەنتتەرگە جەڭىلدىكتەر:

تەگىن ءبىلىم الۋ؛

جاتاقحانا؛

قوعامدىق كولىكپەن ءجۇرۋ؛

• مۇراجايلارعا،
• كىتاپحانالارعا،
• تەاترلارعا،
• كونسەرتتەرگە
• پاركتەرگە
• وزگە قوعامدىق جانە ويىن-ساۋىق ورىندارىنا بارۋعا جەڭىلدىكتەر

قابىلدانۋ / ءتۇسۋ ءتارتىبى:

ءوتىنىش

اتتەستات نەمەسە ديپلوم (العان كەزدە)

جەكە كۋالىك نەمەسە ءتولقۇجات

4-6 فوتوسۋرەت