رەسپۋبليكاعا تانىمال قوعام قايراتكەرى، بەلگىلى جۋرناليست رىسبەك سارسەنباي ۇلىنىڭ ءىنىسى – رىمبەك سارسەنباي ۇلى ومىردەن وزدى. مارقۇم كوپ جىلداردان بەرى «جاس الاش» گازەتىندە جۇمىس ىستەگەن. تاۋەلسىز باسىلىمنىڭ ىستىق-سۋىعىنا كۇيىپ، ۇزدىكسىز جاريالانىپ تۇرۋىنا ءبىر كىسىدەي اتسالىسقان ازامات سارسەنبايەۆتار اۋلەتىندەگى التەكەڭنەن كەيىن ومىرگە كەلگەن ۇل ەدى. 54 جاسىندا مەزگىلسىز قايتىس بولدى.

جاراتقاننىڭ ىسىنە شارا بار ما، التەكەڭ قاستاندىقپەن ولتىرىلگەننەن كەيىن بۇل اۋلەت قايعى-قاسىرەتتى از كورگەن جوق. اتانىڭ ەمەس، الاشتىڭ ۇلىنا اينالعان اسىل پەرزەنتىنىڭ وقىس قازاسىن اتا-اناسىنىڭ جۇرەگى كوتەرە الماعان ەدى. ەندى رىمبەك باۋىرىمىز دا التەكەڭنىڭ ارتىنان ىلەستى...

قايعى مەن قاسىرەتتىڭ، قاستىق پەن قىساستىقتىڭ سان ءتۇرىن كورسە دە، التىن باسىن ەڭكەيتپەي كەلە جاتقان رىسبەك اعاعا جانە سارسەنبايەۆتار اۋلەتىنە قايعىرا كوڭىل ايتامىز! «قايعىنى بولىسسە، ازايادى» دەيدى. اعا، تاعدىردىڭ سىزگە كورسەتكەن اۋىر سىناعى ءبىزدىڭ دە قابىرعامىزدى قايىستىردى. مارقۇمنىڭ يمانى جولداس، توپىراعى تورقا  بولسىن! بۇل جالعىز سىزگە ەمەس، ءسىزدى اقيقاتشىل جۋرناليست، حالىقشىل تۇلعا، ەل مەن جەردى شىنايى سۇيەتىن ازامات رەتىندە تانىعان، مويىنداعان  كوپشىلىككە ورتاق قايعى. بەكەم بولىڭىز!

مارقۇمنىڭ تۋعان-تۋىستارىنا كوڭىل ايتۋعا نيەتتى اعايىنعا قۇلاققاعىس:

بۇگىن، 11 ءساۋىر كۇنى زاتايەۆيچ №31 كوشەسىندەگى «ديلناز» كافەسىندە ساعات 19.00-دە قوناقاسى بەرىلەدى. ەرتەڭ ساعات 11.00-دە جانازاسى. شاشكين كوشەسى №40 (ال-فارابيدەن جوعارى).

«قامشى» اقپاراتتىق پورتالىنىڭ  ۇجىمى