اقش-تىڭ ۆاشينگتون قالاسىندا جەرلەنگەن جازۋشى مۇحتار ءماعاۋيننىڭ قابىرىنە تۋعان ەلدىڭ توپىراعى مەن جۋسانى جەتكىزىلدى.

مۇحتار ءماعاۋيننىڭ ۇلى ەدىگە ماعاۋين اتا-بابالارى جەرلەنگەن كيەلى مەكەننەن توپىراق الىپ، اكەسىنىڭ زيراتىنا قويدى.

زياراتقا ۆاشينگتونداعى Kazakh American Association ۇيىمىنىڭ وكىلدەرى دە قاتىستى. بۇل تۋرالى ساپاربەك ناعاشىبەكوۆ Facebook پاراقشاسىندا حابارلادى.

«بۇگىن ۆاشينگتونعا جاقىن جەردە، قازاقتىڭ ۇلى جازۋشىسى، ابىزى مۇحتار ءماعاۋيننىڭ ءقابىرىن زيرات ەتىپ، قازاقتىڭ «توپىراق اپارۋ» ءداستۇرى جاسالىپ، اتامىزعا قۇران باعىشتالدى. قابىل بولسىن. مۇحتار اتامىزدىڭ ۇلى ەدىگە اعامىز قازاقستانداعى اتا باباسى جەرلەنگەن جەردەن الىپ كەلگەن توپىراق پەن جۋساندى اتامىزدىڭ قابىرىنە كومدى»، — دەپ جازدى ول. 

ايتا كەتەيىك، قازاق ادەبيەتى مەن تاريحىن زەرتتەپ، ولمەس مۇرا قالدىرعان مۇحتار ماعاۋين 85 جاسىنا قاراعان شاعىندا 9 قاڭتار كۇنى اقش-تىڭ مەريلەند شتاتىنداعى ۇيىندە قايتىس بولدى. جەرلەۋ ءراسىمى 11 قاڭتاردا Parklawn Memorial زيراتىندا ءوتتى.