قازاقستاندا الەۋمەتتىك قولداۋعا قۇقىعى بار ازاماتتار ساناتتارى بەكىتىلدى. ءتيىستى بۇيرىققا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين قول قويدى.
الەۋمەتتىك قولداۋعا قۇقىعى بار جەكەلەگەن تۇلعالار ءتىزىمى جاڭا سالىق كودەكسى اياسىندا ازىرلەنگەن. ونى بەكىتەتىن بۇيرىق كودەكسپەن بىرگە 2026 جىلعى 1 قاڭتاردان باستاپ كۇشىنە ەنەدى.
الەۋمەتتىك قولداۋعا قۇقىعى بار جەكە تۇلعالاردىڭ جەكەلەگەن ساناتتارىنا كىرەدى:
- ارناۋلى مەملەكەتتىك جاردەماقى الۋشى؛
- مەملەكەتتىك الەۋمەتتىك جاردەماقىلاردى الۋشى؛
- ارناۋلى الەۋمەتتىك كورسەتىلەتىن قىزمەتتەردى الۋشىلار؛
- زەينەتاقى تولەمدەرىن الاتىن مۇگەدەكتىگى بار ادامدار؛
- ون سەگىز جاسقا تولماعان جەتىم بالا جانە (نەمەسە) اتا-اناسىنىڭ قامقورلىعىنسىز قالعان بالا؛
- مەملەكەتتىك اتاۋلى الەۋمەتتىك كومەك الۋشى؛
- الەۋمەتتىك ءمانى بار اۋرۋلاردىڭ تىزبەسىنە كىرەتىن اۋرۋى بار تۇلعا؛
- اينالاداعىلار ءۇشىن ءقاۋىپ توندىرەتىن اۋرۋلار تىزبەسىنە كىرەتىن اۋرۋى بار تۇلعا؛
- ەكى ايدان استام ەڭبەككە ۋاقىتشا جارامسىزدىق مەرزىمى بەلگىلەنگەن اۋرۋلاردىڭ تىزبەسىنە كىرەتىن اۋرۋى بار تۇلعا؛
- كەيبىر سوزىلمالى اۋرۋلاردىڭ اۋىر تۇرلەرىنىڭ تىزىمىنە كىرەتىن اۋرۋى بار تۇلعا بولىپ تابىلاتىن جەكە تۇلعالار جاتادى.
