التى ايدىڭ قورىتىندىسى بويىنشا جول اپاتىنان 5،5 مىڭنان استام بالا زارداپ شەگىپ، 135 بالا قايتىس بولدى، دەپ حابارلايدى باس پروكۋراتۋرا. جارتى جىلدا 8،5 ملن-عا جۋىق اكىمشىلىك قۇقىق بۇزۋشىلىق تىركەلگەن، ونىڭ 7 ملن ياعني، 84%ء-ى كولىك سالاسىنا قاتىستى.
"قايتا جاسالاتىن زاڭ بۇزۋشىلىقتاردىڭ سانى ەرەكشە الاڭداتۋشىلىق تۋعىزۋدا – ونىڭ سانى شامامەن 1،5 ملن. ونىڭ ىشىندە 85 مىڭعا جۋىق ادام ءۇش نەمەسە ودان دا كوپ وسى تەكتەس قۇقىق بۇزۋشىلىقتى جاساعان"، - دەيدى ۆەدومستۆو.
التى ايدىڭ قورىتىندىسى بويىنشا جول اپاتىنان 5،5 مىڭنان استام بالا زارداپ شەكتى، 135 بالا قازا تاپتى.
"وسى جىلدىڭ 6 ايىندا كولىك قۇرالىن ماس كۇيىندە باسقارعانى ءۇشىن 11 مىڭنان استام ادام اكىمشىلىك جاۋاپكەرشىلىككە تارتىلدى. ولاردىڭ 158ء-ى جول اپاتىنا ءتۇسىپ، سالدارىنان 282 ادام زارداپ شەكتى، 17 ادام قازا بولدى"، - دەيدى باس پروكۋراتۋرا.
ىشكى ىستەر مينيسترلىگىنىڭ دەرەكتەرى بويىنشا جىل باسىنان بەرى ەلىمىزدە ەلەكترساموكاتتاردىڭ قاتىسۋىمەن 213 جول اپاتى تىركەلدى. سونىڭ سالدارىنان 224 ادام زارداپ شەكتى. 42 جاعدايدا اپاتقا ساموكات جۇرگىزۋشىلەرىنىڭ وزدەرى كىنالى بولعان، 52 ادام ءارتۇرلى جاراقات الدى.
